| e-texts navigator |
| Wylie |
242b1 འཆང་།། སྒྲ་དང་དོན་ཉིད་དེ་ལྟར་ན།། གཞི་ལམ་རྫོགས་ཆེན་གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཀྱེ་མ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། རྫོགས་ཆེན་ཨ་ཏི་ཡོ
242b2 ག་ལ།། གཞི་དང་ལམ་དང་འབྲས་བུ་མེད།། འོན་ཀྱང་གཞི་ལམ་འབྲས་བུ་གསུངས།། གཞི་ལ་རྣམ་པ་གཉིས་སུ་གསུངས།། ཀ་དག་ཆེན་པོའི་གཞི་དང་ནི།། ལྷུན་གྲུབ་སྣ་ཚོགས་གཞི་རུ་འདོད།། ཀ་དག་ཆེན་པོའི
242b3 གཞི་ལ་ཡང་།། ཡེ་ཤེས་མ་འགགས་གསལ་བའོ།། དེ་ཡང་ངོ་བོ་མི་འགྱུར་དང་།། རང་བཞིན་གསལ་བས་ཀུན་ལ་ཁྱབ།། ཡེ་ཤེས་རྣམ་དག་ངོ་བོ་ལ།། ངོ་བོ་རང་བཞིན་ཐུགས་རྗེ་གསུམ་དང་ལྡན།། སངས་རྒྱས
242b4 དགོངས་པ་རང་སྣང་རྣམ་དག་ཉིད་ཀྱི་སྐུ།། འཛིན་དང་གོལ་མེད་གནས་པ་མེད་པར་དབྱིངས་ལ་སྤྱོད་ཅིང་སྤྲུལ་པ་མཛད།། རང་ཉིད་རྡོ་རྗེ་ས་ལ་ཡང་དག་གཤེགས་ཤིང་ཐིག་ལེའི་སྐུ།། ཐིག་ལེ་རྣམ་དག་ཡེ་ཤེས
242b5 བཀོད་པའི་དཀྱིལ་འཁོར་འགྲོ་བའི་གཞི།། ལམ་བཀོད་རིན་པོ་ཆེ་ཡི་ས་ལ་སྦྱང་བའི་ཡུལ་མེད་ཕ་རོལ་ཕྱིན།། གསང་སྔགས་ཀུན་གྱི་ཡེ་ཤེས་ཚིག་གིས་དཔག་ཏུ་མེད་པར་དབྱིངས་ལ་བཀོད་ཅིང་སྤྲུལ་པ
242b6 མཛད།། འཛིན་མེད་རང་སྣང་ཡེ་ཤེས་ཀུན་གྱི་སྙིང་པོ་ཡིན་པར་ཀུན་ནས་སྟོན།། བསྟན་ཀྱང་གྲོལ་བར་མི་འགྱུར་གྲོལ་བ་ག་ལ་ཡོད།། ཡང་དག་པ་དང་བདེ་གཤེགས་སྙིང་པོ་གཉིས་མེད་མཉམ་པའི་དོན།། སངས
iiif viewer powered by OpenSeadragon
