| e-texts navigator |
| Wylie |
239b1 མེད།། སེམས་དང་བག་ཆགས་སངས་རྒྱས་དངོས་མ་ཡིན།། རིག་པའི་ཡེ་ཤེས་སེམས་དང་བག་ཆགས་བྲལ།། སངས་རྒྱས་མཛད་པ་རྣམ་འཕྲུལ་ཅིར་ཡང་སྟོན།། རྟོགས་དང་མ་རྟོགས་ཚིག་གི་དཔྱོད་པ་ཡིན།། འཛིན
239b2 པ་མེད་ན་སངས་རྒྱས་གསང་བ་ཡིན།། ཆགས་པ་མེད་ན་རྡོ་རྗེའི་དོན་ཉིད་ཐོབ།། ཞེན་པ་མེད་ན་རིག་པའི་རང་ལུས་རྙེད།། ཚིག་དང་བྲལ་ན་ཡེ་ཤེས་དབྱིངས་སུ་སྐྱོལ།། བསམ་པ་བརླགས་ན་སྒྲོན་མ་ཉམས་སུ
239b3 ལོན།། དེ་ལྟར་རྟོག་དང་བལྟ་བ་དང་།། མི་རྟོག་བསྒོམས་ན་སངས་རྒྱས་རྙེད་མི་འགྱུར།། ཡེངས་པ་མེད་པའི་བསྒོམ་པ་ཆེན་པོ་འདི།། གསལ་དང་འཛིན་པའི་ངང་དུ་མ་ལྷུང་བའོ།། ཡང་དག་ཚིག་དང་བྲལ་བའི
239b4 བསྒོམ་པ་ཆེན་པོ་འདི།། གང་ལ་བལྟས་ཀྱང་ཆུ་བོའི་གཞུང་དང་མཚུངས།། སངས་རྒྱས་དགོངས་པ་ཀུན་གྱིས་གོ་བ་མེད།། རྡོ་རྗེའི་སྐུ་ཉིད་ཀུན་གྱིས་མཐོང་བ་མེད།། རིག་པ་སྐུ་ཉིད་འདུ་འབྲལ་མེད
239b5 པར་སྤྱོད།། སེམས་དཔའི་དོན་ཉིད་སྐུ་ཕྱེད་ཡོད་པར་གྲགས།། མི་ཟད་གཏེར་ལ་རིན་ཆེན་ལོངས་སྤྱོད་པའོ།། རྡོ་རྗེའི་ལམ་ལ་ནོར་བུའི་ཕུང་པོ་བཀོད།། སངས་རྒྱས་ཀུན་གྱི་དེ་བཞིན་ཉིད་དུ་གསུངས། ཞེས
239b6 རིག་པ་རང་ཤར་ཆེན་པོའི་རྒྱུད་ལས། ཐིག་ལེ་ཕྱེས་ཏེ་བསྟན་པའི་ལེའུ་སྟེ་ཞེ་བརྒྱད་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཐིག་ལེའི
iiif viewer powered by OpenSeadragon
