| e-texts navigator |
| Wylie |
239a1 གྲོལ་བར་གསུངས།། མདོ་དང་རྒྱས་པ་ཉིད་དུ་གསུངས།། ཨེ་མ་སངས་རྒྱས་ཐིག་ལེ་ནི།། སེམས་ཅན་ཀུན་གྱི་ཙིཏྟ་ན།། རྣམ་དག་སྐུ་ཡི་ཐིག་ལེ་གནས།། སེམས་ཅན་ཀུན་གྱི་བྷཱུ་ཏི་ན། སྟོང་ཉིད་རྟགས
239a2 ཀྱི་ཐིག་ལེ་གནས།། སེམས་ཅན་ཀུན་གྱི་ཤེལ་དཀར་ན།། སྟོང་གསལ་འབར་བའི་ཐིག་ལེ་གནས།། སེམས་ཅན་ཀུན་གྱི་དར་དཀར་ན།། ལམ་གྱི་ཐིག་ལེ་བཟང་པོ་གནས།། སེམས་ཅན་ཀུན་གྱི་སྟོང་ལམ་ན།། འོད
239a3 གསལ་གཉིས་མེད་ཐིག་ལེ་གནས།། སེམས་ཅན་ཀུན་གྱི་སྒལ་ཚིགས་ན།། འདུ་འབྲལ་མེད་པའི་ཐིག་ལེ་གནས།། སེམས་ཅན་ཀུན་གྱི་དུང་ཁང་ན།། ཡེ་ཤེས་གདངས་ཀྱི་ཐིག་ལེ་གནས།། སེམས་ཅན་ཀུན་གྱི་མིག
239a4 ན་ཡང་།། རྣམ་དག་འོད་ཀྱི་ཐིག་ལེ་གནས།། སེམས་ཅན་ཀུན་གྱི་ཡུལ་ཉིད་ན།། སྣ་ཚོགས་འཆར་བའི་ཐིག་ལེ་གནས།། དེ་བཞིན་སེམས་ཅན་ཐམས་ཅད་ལ།། དབྱེར་མེད་ཚུལ་གྱིས་གནས་པ་ཡིན།། རྡོ་རྗེ་སེམས
239a5 དཔའི་སྐུ་ཉིད་ཀྱང་།། ཡེ་ཤེས་དག་པའི་མཁའ་ལ་གཤེགས།། སངས་རྒྱས་རྣམས་ཀྱི་ཡེ་ཤེས་ནི།། སེམས་ཅན་རྣམས་ལ་ཕྱེད་ཡོད་དོ།། སྟོང་པའི་ངང་ལས་ཡེ་ཤེས་ཆོ་འཕྲུལ་བྱུང་།། རྡོ་རྗེའི་ངང་ལས་རྡོ་རྗེའི་ཆོ་འཕྲུལ
239a6 འབྱུང་།། རྡོ་རྗེའི་ལམ་ལ་སངས་རྒྱས་ཉིད་གཤེགས་པ།། ཡང་དག་མཁའ་ལ་རིག་པ་ཉིད་གཤེགས་པ།། གཉིས་མེད་ངང་དུ་ཁྱབ་མེད་མཉམ།། སྐྱེ་དང་འཆི་མེད་རྡོ་རྗེའི་བདག། ཡང་དག་སྐུ་ལ་སྐྱེ་དང་འཆི་བ
iiif viewer powered by OpenSeadragon
