| e-texts navigator |
| Wylie |
238b1 སེམས་མེད་རང་དུ་གྲོལ།། སངས་རྒྱས་རྡོ་རྗེ་འགག་མེད་གསུངས།། མཚན་མའི་རོལ་པ་སྣ་ཚོགས་སྟོན།། ངོ་བོ་ཉིད་ནི་དོན་ལས་གྲོལ།། སངས་རྒྱས་ཡོན་ཏན་བསམ་མི་ཁྱབ།། འཇིག་རྟེན་ཁམས་ནི་རབ་འབྱམས
238b2 སུ།། སྐུ་ཡི་སྤྲུལ་པ་བསམ་མི་ཁྱབ།། རྡོ་རྗེ་ཡེ་ཤེས་ཆེན་པོ་སྟོན།། ཀ་དག་ཡེ་ཤེས་ངང་དུ་གྲོལ།། འགྱུར་མེད་སངས་རྒྱས་དགོངས་པ་ཡང་།། སྐྱེ་མེད་གསལ་འགྲིབ་འཛིན་རྟོག་མེད།། ཡེ་ཤེས་མཁའ་ཁྱབ་རྣམ་པར
238b3 སྟོང་།། རྡོ་རྗེ་སེམས་དཔའི་སྐུ་ཉིད་རྫོགས།། སངས་རྒྱས་དཔེ་དང་ཡེ་ཤེས་ཀྱང་།། སྒྲོན་མ་རྣམ་དག་ངང་དུ་གྲོལ།། ཨེ་མ་ཧོ།། རྣམ་དག་མཁའ་ལ་ཡེ་ཤེས་གཤེགས།། བཟུང་བས་མི་ཟིན་རླུང་དང་མཚུངས།། ནམ
238b4 མཁའ་རྣམ་པར་དག་པ་ལ།། རྣམ་དག་དབྱིངས་ཀྱི་སྒྲོན་མ་གཤེགས།། གཞན་དབང་མ་ཡིན་བྱུང་བ་མིན།། ཡེ་ཤེས་མཁའ་མཉམ་ཀློང་དཀྱིལ་དུ།། རྡོ་རྗེའི་སྐུ་ཉིད་མ་བསྐྱོད་གཤེགས།། ཟིལ་གནོན་སེང་གེའི་སྟོབས
238b5 དང་མཚུངས།། ཡེ་ཤེས་སྟོང་པའི་རང་གདངས་ལ།། ཐིག་ལེའི་ཆོ་འཕྲུལ་མ་བསྐྱོད་གཤེགས།། ཀུན་འཕྲོ་ཉི་མའི་འོད་ཟེར་བཞིན།། ལྟ་བ་རང་བཞིན་ནམ་མཁའ་ལ།། རིག་པའི་སྐུ་ཉིད་མ་བསྐྱོད་གཤེགས།། ཁྱུང
238b6 ཆེན་ནམ་མཁའ་ལྡིངས་དང་མཚུངས།། ནམ་མཁའ་སྟོང་པའི་དཀྱིལ་དག་ཏུ།། སྤྱན་ཉིད་མི་འགྱུར་མཁའ་ལ་གཤེགས།། གླང་ཆེན་མི་འགྱུར་ལྟ་སྟངས་མཚུངས།། ཆགས་མེད་ས་ལ་གནས་པ་ན།། རྡོ་རྗེ་རྒྱལ་པོས
iiif viewer powered by OpenSeadragon
