| e-texts navigator |
| Wylie |
238a1 གྲོལ།། གསང་བའི་བདག་ཏུ་སྐྱེ་མེད་ཐིམ།། ཡང་དག་ཉིད་ཀྱི་སྐུ་ཉིད་ཀྱང་།། རྡོ་རྗེ་སྐུ་ཡི་ངང་དུ་དེ་བཞིན་གཤེགས།། མཁའ་མཉམ་དཀྱིལ་འཁོར་ཆེན་པོ་ནི།། ཡང་དག་ལམ་ལ་རབ་གནས
238a2 པ།། གསང་བའི་རྡོ་རྗེ་ཡེ་ཤེས་སྐུ།། དཀྱིལ་འཁོར་ཐམས་ཅད་རང་ཉིད་དོ།། རྡོ་རྗེ་ཐེག་པའི་ལམ་ཆེན་འདི།། རང་གི་བདེ་ཆེན་ཉིད་དུ་གྲོལ།། གསང་སྔགས་ཀུན་གྱི་བལྟ་བ་ནི།། རྡོ་རྗེ་སེམས་དཔའི་ཐུགས་ལ
238a3 རྫོགས།། འཇིག་རྟེན་འདས་པའི་རིན་པོ་ཆེ། ཞེས་རིག་པ་རང་ཤར་ཆེན་པོའི་རྒྱུད་ལས། སྟོན་པ་བྱོན་ཚུལ་གྱི་ལེའུ་སྟེ་ཞེ་བདུན་པའོ།། །། བྷཱུཿཥྤརྦཿ། ཝཿ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ
238a4 ཏོ།། ཀྱེ་ཀྱེ་སྟོན་པ་ཀུན་ཏུ་བཟང་པོ་ལགས།། སྟོན་པ་བྱོན་པ་དེ་ལྟར་ན།། སྐྱེ་མེད་ངང་དུ་ཅི་ལྟར་གྲོལ།། རྣམ་དག་མཁའ་ལ་གང་ལྟར་གཤེགས།། ཐིག་ལེའི་བྱེ་བྲག་ཅི་ལྟར་ལགས།། ཞེས་ཞུས་སོ།། དེ་ནས་ཡང
238a5 བཀའ་སྩལ་པ།། ཀྱེ་ཀྱེ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། སྐྱེ་མེད་རིག་པ་སངས་རྒྱས་ནི།། མཚན་མའི་ཚིག་མེད་ངང་དུ་གྲོལ།། སངས་རྒྱས་མཛད་པའི་ཕྲིན་ལས་ནི།། བྱ་དང་བྱེད
238a6 པ་མེད་པར་གྲོལ།། སངས་རྒྱས་སྐུ་ཉིད་རྣམ་དག་སྟེ།། འགྱུར་མེད་ཡེ་ཤེས་སྙིང་པོ་ཉིད།། ང་ཉིད་ཀློང་ཡངས་ངང་དུ་ཞོག། སངས་རྒྱས་རྟོག་མེད་ཐུགས་ལྡན་པས།། བསམ་དང་བྲལ་བའི་ཡེ་ཤེས་ཐུགས།། ཡང་དག
iiif viewer powered by OpenSeadragon
