| e-texts navigator |
| Wylie |
237b1 རང་ལ་ཐིམ།། དེ་ལ་རྩོལ་བ་མ་ཞུགས་ན།། རྡོ་རྗེ་རིན་ཆེན་ཞེས་བྱར་གྲགས།། སྤང་བྱ་སྤོང་བྱེད་རྣམ་གཉིས་མེད།། སྤང་འཛིན་བྱེད་ན་བདུད་རྩི་མེད།། གསལ་འཛིན་མེད་ན་བདུད་རྩི་རྙེད།། རང་བྱུང་བདུད་རྩིའི
237b2 སྨན་ཆེན་འདི།། འཛིན་མེད་རྣམ་དག་ངང་དུ་ཡང་དག་གྲོལ།། ནོར་བུ་རིན་ཆེན་གསང་བ་འདི།། གང་གི་ཕྱོགས་སུ་མ་ལྷུང་བ།། སངས་རྒྱས་བདུད་རྩི་དམ་པ་ཡིན།། དམིགས་པ་མེད་པར་རང་ཉིད་མཐོང་།། མཐོང་བ
237b3 ཉིད་ན་དགག་བསྒྲུབ་མེད།། མཐོང་དང་ཤེས་དང་རྟོགས་པ་གསུམ།། ཁྱད་མེད་གཅིག་གི་རང་བཞིན་ཡིན།། རྟོགས་དང་ཀློང་དུ་གྱུར་པ་དང་།། གོམས་པ་མཐར་ཕྱིན་གྲོལ་བ་གསུམ།། སངས་རྒྱས་འབྲས་བུ་ཆེན་པོར
237b4 བཤད།། ཨེ་མ་ཧོ།། རྡོ་རྗེ་སེམས་དཔའ་བདག་ཉིད་ཀྱང་།། མི་འགྱུར་ཀློང་དུ་སངས་རྒྱས་རྙེད།། ཡང་དག་ས་ལ་མངོན་སངས་རྒྱས།། མཉམ་ཉིད་དབྱིངས་སུ་རིག་པ་འཁྱིལ།། རྟོག་མེད་ངང་ནས་སྒྲོན་མེ
237b5 གསལ།། ཟག་མེད་ལམ་ལ་རབ་གནས་པས།། འགྱུར་མེད་ཀློང་དུ་གཉིས་མེད་ཐིམ།། བྱས་མེད་ངང་ནས་བྱུང་བ་རྙེད་པ་ཡིན།། བྱས་པ་རང་སངས་དང་དུ་ཤེས་པ་རྙེད་པ་ཡིན།། གསལ་བ་འཛིན་པ་མེད་པར་ནོར་བུ
237b6 རྙེད་པ་ཡིན།། ངན་སོང་སྤང་དུ་མེད་པར་ནོར་བུ་རྙེད་པ་ཡིན།། བདེ་ཆེན་སངས་རྒྱས་འགག་མེད་གསལ།། ཡང་དག་ལམ་རྙེད་རྡོ་རྗེའི་སྐུ།། སྐྱེ་མེད་རྡོ་རྗེའི་སྙིང་པོའི་སྐུ།། དུས་དང་ཐབས་མེད་རང་སར
iiif viewer powered by OpenSeadragon
