| e-texts navigator |
| Wylie |
237a1 ཉོན་ཅིག། དུས་མེད་པར་ཡེ་ཤེས་ཀྱི་སྣང་བ་རང་ཤར་རོ།། གནས་མེད་པར་གསང་སྔགས་ཀྱི་རིག་པ་རང་གྲོལ་ལོ།། སྟོབས་མེད་པས་སྣང་སྲིད་ཀྱི་ཆོས་ཐམས་ཅད་ལ་བཟླའོ།། དེ་ནས་ཡང་མཁའ
237a2 འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ནོར་བུ་རིན་ཆེན་བདུད་རྩི་ལ།། རྣམ་རྟོག་འཛིན་པས་མ་བརླགས་སམ།། ཞེས་ཞུས་སོ།། ཡང་བཀའ་སྩལ་པ། ཨེ་མ་ཧོ།། ནོར་བུ་རིན
237a3 ཆེན་བདུད་རྩི་འདི།། ཐོག་མ་མེད་པའི་དུས་ཀྱི་ཚེ།། ང་ཡི་ནོར་བུ་རིན་ཆེན་སྟོར།། དེ་ཡིས་སྡུག་བསྔལ་ལོག་པར་འཁྱམས།། ནོར་བུ་རིན་ཆེན་བདུད་རྩི་དེ།། བཙལ་བས་རྙེད་པའི་གནས་མེད་དོ།། རང་ལས་རང་བྱུང
237a4 རིག་པར་རྟོགས།། ནོར་བུ་རིན་ཆེན་བདུད་རྩི་དེ།། སྟོར་བ་མ་ཚོར་རྙེད་པ་ཚོར།། སྟོར་བས་དངོས་པོ་མཚན་མ་མེད།། རྙེད་པས་དགའ་བའི་མདངས་དང་ལྡན།། རྙེད་པའི་དུས་དང་སྟོར་བའི་དུས།། ཁྱབ་མེད་གཅིག།
237a5 གི་ངང་དུ་རྟོགས།། ནོར་བུ་རིན་ཆེན་བདུད་རྩི་ལ།། བྱས་ཤིང་བསྒོམས་པས་རྙེད་མི་འགྱུར།། སྒྲོན་མ་དབྱིངས་ཀྱི་སྣང་བ་ལ།། མ་ཡེངས་གསལ་ལ་འཛིན་པ་མེད་པར་བརྟགས།། དེ་ལྟར་དོན་ལས་མ་ཡེངས
237a6 ནས།། རིན་ཆེན་བདུད་རྩིའི་སྒྲོན་མ་རྙེད་པ་ཡིན།། ནོར་བུ་རིན་ཆེན་བདུད་རྩི་འདི།། གཏང་བཞག་མེད་ན་རྙེད་པའི་མཆོག། འཛིན་པ་མེད་ན་རང་སར་གྲོལ།། ནོར་བུ་རྣམ་པར་བཀོད་པའི་དོན།། རང་ལས་བྱུང་ཞིང
iiif viewer powered by OpenSeadragon
