| e-texts navigator |
| Wylie |
236b1 ལུགས་དེ་ལྟར་ན།། སྟོན་པའི་ཕ་མ་གང་གིས་བགྱིས། རུས་ནི་ཅི་སྐད་བྱ་བར་གྲགས།། སྟོན་པའི་མཚན་ནི་ཅི་སྐད་བཏགས།། སྟོན་པའི་ཡུལ་ནི་གང་ལྟར་ལགས།། ཞེས་ཞུས་སོ།། ཡང་སྟོན་པས་བཀའ་སྩལ་པ། ཕ
236b2 ནི་རང་བྱུང་ཆེན་པོ་ཡིན།། མ་ནི་མཁའ་མཉམ་རིག་པའི་ཀློང་།། ཡུལ་ནི་མ་བཀོད་མདངས་ལྡན་ཡིན།། རུས་ནི་རྡོ་རྗེ་འགྱུར་མེད་རུས།། སྣང་སྟོང་ཡང་དག་ང་ཡི་མཚན།། ཡུལ་ནི་འོད་གསལ་ལྔ་པོ་ཡིན།། མན་ངག
236b3 རང་བྱུང་ཡེ་ཤེས་ཡིན།། འདས་པ་ང་ཡི་ཡེ་ཤེས་ཡིན།། མ་འོངས་ང་ཡི་ཡུལ་ལུང་བསྟན།། ད་ལྟ་ང་ཡི་རིག་པ་ཡིན།། དེ་ནས་མཁའ་འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་ཡེ་ཤེས་སྐུ།། དེ
236b4 ས་གནས་ནི་གང་དུ་བྱོན།། ཡུལ་ནི་ཅི་སྐད་བྱ་བ་ཡིན།། གསང་སྔགས་གང་དང་གང་དག་གསུངས།། འཁོར་ནི་གང་དང་གང་གི་འཁོར།། སྐུ་ཡི་གསོལ་ཟས་ཅི་ཡིས་བགྱིས།། དེ་ནས་ཡང་བཀའ་སྩལ་པ། དེ་ནས
236b5 གནས་ནི་ལྷ་ཡུལ་དགའ་ལྡན་ཏེ།། སུམ་ཅུ་རྩ་གསུམ་ཁང་བཟང་དེར།། སྦྱིན་པ་དང་ནི་ཚུལ་ཁྲིམས་དང་།། བཟོད་པ་དང་ནི་བརྩོན་འགྲུས་དང་།། དེ་བཞིན་བསམ་གཏན་ཤེས་རབ་དང་།། འཁོར་ལོ་རྣམ་པ་དྲུག་ལྡན
236b6 ནོ། འཁོར་ནི་རྣམ་པ་བདུན་གྱིས་བསྐོར།། འབྲས་བུ་རྣམ་གསུམ་འཚོ་བའི་ཟས།། སངས་རྒྱས་རྡོ་རྗེའི་སྐུ་ཉིད་དོ།། དེ་ནས་ཡང་སྟོན་པས་འཁོར་རྣམས་ལ་འདི་སྐད་ཅེས་བཀའ་སྩལ་པ། ཀྱེ་འདུས་པ་ཆེན་པོའི་ཚོགས
iiif viewer powered by OpenSeadragon
