| e-texts navigator |
| Wylie |
236a1 མི་སྣང་བའི་ངང་དུ་གཤེགས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། མཁའ་འགྲོ་མས་རང་སྐད་སྨྲས་པའི་ལེའུ་སྟེ་ཞེ་དྲུག་པའོ།། ། ཏྲམྲངྒཉལྡག། དེ་ནས
236a2 ཡང་མཁའ་འགྲོ་མའི་ཚོགས་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་ཡེ་ཤེས་སྐུ།། ཐོག་མ་མེད་པའི་དུས་ཀྱི་ཚེ།། སྟོན་པ་བྱོན་པ་གང་དུ་བྱོན།། སྐུ་ཡི་འཁྲུངས་རྟེན་གང་ལ་བགྱིས།། འདུལ་པའི
236a3 བསྟན་པ་གང་གང་བཙུགས།། ཉེ་བའི་འཁོར་ནི་གང་གང་ལགས།། རྒྱུད་ཀྱི་རྒྱལ་པོ་གང་གང་གསུང་།། སྤྲུལ་པ་ཅི་ལྟར་མཛད་དེ་བྱོན།། མོས་པའི་འཁོར་ལ་བསྟན་དུ་གསོལ།། ཞེས་ཞུས་སོ།། དེ་ནས་ཡང་བཀའ
236a4 སྩལ་པ། ཀྱེ་ཀྱེ་ཡེ་ཤེས་རྗེ་མོ་ཉོན།། ངས་བསྟན་ལེགས་པར་ཡིད་ལ་ཟུང་།། ང་ནི་རྡོ་རྗེ་སྲ་མཁྲེགས་ལྡན།། ཐོག་མ་མེད་པའི་དུས་ཀྱི་ཚེ།། ང་ཡི་ནོར་བུ་རིན་ཆེན་སྟོར།། ནོར་བུ་སྟོར་བའི་རང་བཞིན་གྱིས།། མུན་སྣང
236a5 གཉིས་ཀྱི་མཚམས་ནས་འོང་།། རྐྱེན་བཞིའི་དམིགས་པ་མ་དག་པས།། དགའ་ལྡན་བརྩེགས་པའི་ཡུལ་དུ་འོངས།། དེ་ཡི་རྟེན་ནི་པདྨ་དག་པ་ཡིན།། གསང་སྔགས་རྒྱུད་ཆེན་བསྟན་པ་བཙུགས།། ཉེ་བའི་འཁོར་ནི་མི
236a6 འཁྲུགས་པའོ།། རྒྱུད་ཀྱི་རྒྱལ་པོ་ཐལ་འགྱུར་བཤད།། ལོ་བརྒྱད་མཛེས་པའི་ཚུལ་དུ་སྤྲུལ།། ངས་ནི་འདུལ་བའི་བསྟན་པ་བཙུགས།། དེ་ནས་ཡང་མཁའ་འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ།། སྟོན་པའི་བྱོན
iiif viewer powered by OpenSeadragon
