| e-texts navigator |
| Wylie |
235b1 གྱིས་རྟོགས་པར་དཀའ་བའི་རིག་པ་འདི།། ཕྲ་ཞིང་ཤེས་པར་དཀའ་བས་ཀུན་གྱིས་མཐོང་བ་མེད།། འཛིན་མེད་ཀུན་ལ་སྙོམས་པས་རང་བྱུང་བདེ་བའི་ཀློང་།། འགག་མེད་རྣམ་དག་ཀློང་དུ་དེ་བཞིན་རྣམ་པར
235b2 རོལ།། ཀློང་ལས་ཡང་དག་ལྷ་མོའི་སྐུར་སྣང་བ།། རྣམ་རྟོག་བག་ཆགས་ལུས་ལ་ལྷ་མོའི་ཆོ་འཕྲུལ་འབྱུང་།། ཞེན་མེད་སྟོང་པའི་ངང་ལ་རིག་པའི་ཉི་ཤར་བས།། ནུབ་པ་མེད་པའི་གཏེར་ཆེན་དཀྱིལ་འཁོར
235b3 ནས།། འགྱུར་བ་མེད་པའི་སྐུ་ལྔ་ཤར་གྱིས་བྱུང་།། རྟོག་པ་མེད་པའི་ངང་དུ་གཉིས་མེད་ཐིམ།། ཡང་དག་ས་ལ་མ་བཀོད་ཕུང་པོ་ལྔ།། སྣང་བའི་ཆོ་འཕྲུལ་ཅིར་སྣང་སྟོན་པར་མཛད།། རིག་དང་མ་རིག་གཉིས་ཀྱང
235b4 འཛིན་པའི་རྟོག་པ་ཡིན།། གསང་སྔགས་འཆང་བའི་དཀྱིལ་འཁོར་རོལ་པའི་ཡེ་ཤེས་སྐུ།། ས་ལམ་མེད་པས་ས་ཆེན་འདས་པ་སྟོང་།། ཡུལ་མེད་རྣམ་པར་དག་པའི་རིག་པ་མཁའ་ལ་གསལ།། ངས་ནི་བྱས་པ་མ་ཡིན
235b5 བྱུང་བའི་ཆོས་ཉིད་དོ།། ཆོས་ལ་ངོས་བཟུང་ཡོད་ན་འཛིན་པའི་ཞེ་འདོད་ཡིན།། གསང་བ་དང་ནི་གབ་པ་དངོས་མ་ཡིན།། ཡང་དག་དཀྱིལ་འཁོར་རང་བྱུང་རྫོགས་པའི་སྐུ།། ས་དང་ལམ་གྱི་ཐ་སྙད་བྲལ་བའི་ཆོས་ཉིད
235b6 དོ།། རང་རིག་རང་དག་རང་སང་གྲོལ་བར་འདོད།། དམིགས་པ་མེད་པའི་ཏིང་འཛིན་བཏང་བཞག་བྲལ།། གྲུབ་པ་མེད་པའི་ཡང་དག་ཕོ་བྲང་ཉིད།། རང་གི་ཐུགས་ལ་གསང་སྔགས་རྒྱལ་པོ་སྤྱོད།། ཅེས་བརྗོད་ནས
iiif viewer powered by OpenSeadragon
