| e-texts navigator |
| Wylie |
235a1 མོ་ཁམས་གསུམ་དྲོད་ཉུལ་མས་འདི་སྐད་ཅེས་བརྗོད་དོ།། ཨེ་མ་ཧོ།། གསང་བའི་རིན་ཆེན་བང་མཛོད་ནས།། རྣམ་དག་ནོར་བུ་རིན་ཆེན་འབར།། འཛིན་རྟོག་གཡེང་བས་མ་བརླགས་སམ།། རང་བྱུང
235a2 རྟོག་མེད་སངས་རྒྱས་ལ།། ཆགས་པའི་རང་བདུད་མ་ཞུགས་སམ།། བཏང་སྙོམས་ཆེན་པོའི་ཏིང་འཛིན་ལ།། མཚན་མའི་ཆོས་ཀྱིས་མ་གོས་སམ།། རྟོག་མེད་ཡེ་ཤེས་རང་གྲོལ་ལ།། འཁོར་བའི་ཉེས་པས་མ་གོས
235a3 སམ།། རང་སྣང་དག་པའི་རིག་པ་ལ།། གཞན་བྱུང་ཆོས་ཀྱི་མ་བསྒྲིབས་སམ།། རང་བྱུང་གསལ་བའི་མར་མེ་ལ།། རྣམ་རྟོག་རླུང་གིས་མ་བསྐྱོད་དམ།། རིག་པ་སེམས་དང་བྲལ་བ་ལ།། རྣམ་རྟོག་སེམས་ཀྱིས་མ
235a4 བསླད་དམ།། དེ་ནི་གསང་སྔགས་ཚད་མ་སྟེ།། རྟོག་མེད་དང་དུ་ཤེས་པར་བྱ། གསལ་ཡངས་འཛིན་པ་མེད་པ་ལ།། རང་སར་གྲོལ་བའི་ཆོས་ཉིད་རྟོགས།། སངས་རྒྱས་ཀུན་གྱི་ཡེ་ཤེས་ནི།། ང་ཉིད་ཡིན་པས་ཤེས
235a5 པར་བྱ།། བདག་དང་གཞན་དུ་མེད་པ་ལ།། བདག་གཞན་བློ་ནི་འཁྲུལ་པའི་སེམས།། མཉམ་པ་ཉིད་ཀྱི་ཡེ་ཤེས་ནི།། གང་ལ་ཆགས་པའི་སེམས་མེད་པས།། འདས་དང་མ་བྱོན་ད་ལྟར་གྱི།། དགོངས་པ་དམ་པའི
235a6 ཚད་མ་ཡིན།། གཅིག་མེད་གཉིས་སྣང་སེམས་ལས་གྲོལ།། ཞེས་བརྗོད་ནས། མི་སྣང་བའི་ངང་དུ་གཤེགས་སོ།། དེ་ནས་ཡང་འདོད་ཆགས་ཀྱི་གཙོ་མོ་ནམ་མཁའི་སྐུས་འདི་སྐད་ཅེས་གསོལ་ཏོ།། ཨེ་མ་ཧོ།། ཀུན
iiif viewer powered by OpenSeadragon
