| e-texts navigator |
| Wylie |
234b1 འདི་སྐད་ཅེས་གསོལ་ཏོ།། ཕྱི་དང་ནང་མེད་གསལ་བའི་བདེ་ཆེན་ཆེ།། ཀུན་གྱི་གཞི་མར་གྱུར་པ་ཐེག་པ་ཆེ།། བརྗོད་པས་ཐོག་ཏུ་མི་ཕེབ་སྟོབས་པོ་ཆེ།། འགྱུར་མེད་རྣམ་པར་དག་པའི་ཏིང་ངེ་འཛིན།། སྣ་ཚོགས་ཅིར
234b2 སྣང་སྣང་བས་ཆོ་འཕྲུལ་ཆེ།། ཡང་དག་ས་ལ་བགྲོད་པས་མཆོངས་པ་ཆེ།། སྲིད་པ་རྒྱ་ཐེགས་བྱས་པས་སྟོབས་པོ་ཆེ།། མ་བསྐྱོད་མཁའ་ལ་གཤེགས་པའི་གོམ་པོ་ཆེ།། རྣམ་དག་གཅིག་ཏུ་སྡུད་པས་ཡངས་པ་ཆེ།། ཕྱི
234b3 རྒྱ་རླབས་ཀྱི་ཆེད་པས་ཤེས་རབ་ཆེ།། མ་འགགས་གཅིག་ཏུ་བསྡུས་པས་ཡེ་ཤེས་ཆེ།། གསལ་བ་རང་སྣང་ཡིན་པས་རིག་པ་ཆེ།། ཀུན་གྱི་གོང་མར་གྱུར་བས་གཙོ་བོ་ཆེ།། སྟོང་པའི་ཚིག་དང་བྲལ་བས་གསལ་བ
234b4 ཆེ།། བྱར་མེད་རྣམ་པར་དག་པས་རྫོགས་པ་ཆེ།། འཛིན་མེད་རང་སར་གྲོལ་བས་སྟོང་པ་ཆེ།། ཐམས་ཅད་ཟིལ་གྱིས་གནོན་པས་བརྗིད་པ་ཆེ།། ཡུལ་མེད་རྣམ་པར་དག་པས་བཀོད་པ་ཆེ།། ཡང་དག་དབྱིངས་ལ
234b5 བསྐྱོད་པས་འཛིན་པ་ཆེ།། དགེ་དང་སྡིག་པ་མེད་པའི་ཁམ་པོ་ཆེ།། རྟག་ཆད་མུ་ལ་མི་གནས་རྟོགས་པ་ཆེ།། འཛིན་རྟོག་ལམ་ལ་མི་གནས་བསམ་གཏན་ཆེ།། སྟོང་པ་གསལ་བས་བརྒྱན་པའི་ཁ་དོག་ཆེ།། ཡང་དག་ཆེ
234b6 བ་རྣམས་དང་ལྡན་པ་འདི།། ཆེ་བའི་གོང་ན་གཞན་མེད་རང་ཉིད་ཆེ་བའི་ལྷ།། གསང་སྔགས་རྣམས་ཀྱི་དགོངས་པ་དེ་བཞིན་ནོ།། ཞེས་བརྗོད་ནས་མི་སྣང་བའི་ངང་དུ་གཤེགས་སོ།། དེ་ནས་ཡང་འདོད་ཆགས་ཀྱི་གཙོ
iiif viewer powered by OpenSeadragon
