| e-texts navigator |
| Wylie |
234a1 ནས་མི་སྣང་བའི་ངང་དུ་གཤེགས་སོ།། དེ་ནས་ཡང་འདོད་ཆགས་ཀྱི་གཙོ་མོ་རྨ་བྱའི་མགྲིན་གྱིས་འདི་སྐད་ཅེས་གསོལ་ཏོ།། སངས་རྒྱས་ཀུན་གྱི་དགོངས་པ་ནི། རང་གི་ངང་དུ་ཡང་དག་གནས།། དེ་ཡི
234a2 གོང་ན་གཞན་མེད་ཡེ་ཤེས་དངོས།། རང་བྱུང་སངས་རྒྱས་ཆེན་པོ་ཡིན།། སྐྱེ་མེད་རྡོ་རྗེའི་བདག་ཉིད་ནི།། ལྷ་ཡི་དཀྱིལ་འཁོར་ཆེན་པོར་རྟོགས།། རྣམ་པར་དག་པའི་སྐུ་མཆོག་ནི།། ཕོ་བྲང་འགྱུར་མེད་ངང་དུ
234a3 རྟོགས།། སྐྱེ་འཇིག་མེད་པའི་བདེ་ཆེན་ནི།། སངས་རྒྱས་ཀུན་གྱི་བདེ་ཆེན་ཡིན།། འདུ་འབྲལ་མེད་པའི་ཀ་དག་ནི།། རང་རང་ཐུགས་ཀྱི་དཀྱིལ་ན་རྫོགས།། རྟོགས་དང་མ་རྟོགས་གཉིས་སུ་མེད།། འཛིན་དང་གོལ
234a4 བའི་ཆོས་རྣམས་མེད།། དགེ་དང་སྡིག་པ་ག་ལ་ཡོད།། གསང་བ་ཡོངས་རྫོགས་དཀྱིལ་དུ་འདུས།། དཔེར་ན་བང་མཛོད་རྒྱས་པ་བཞིན།། དགོས་འདོད་རེ་བ་སྤྱོད་པ་ལྟར།། རིག་པ་གསང་བའི་བང་མཛོད་ནི།། ཅི
234a5 ལྟར་སྣང་བ་ཀློང་དུ་ཐིམ།། ཐིམ་པ་དམིགས་པ་མེད་པའི་ཆོས།། འགག་མེད་ཀློང་དུ་དེ་བཞིན་གཤེགས།། ཡང་དག་རྡོ་རྗེའི་སྐུ་ལ་རྫོགས།། གསལ་འགྲིབ་མེད་པའི་རང་སྣང་ནི།། སྐྱོན་མེད་ཡུལ་ལ་མངོན་པར
234a6 སྣང་།། མཛད་པ་མེད་པའི་ཕྲིན་ལས་ཅིར་ཡང་མཛད།། རྟོགས་པའི་ལྟ་བ་རྣམ་པར་དག་པའོ།། ཞེས་བརྗོད་ནས། མི་སྣང་བའི་ངང་དུ་གཤེགས་སོ།། དེ་ནས་ཡང་འདོད་ཆགས་ཀྱི་གཙོ་མོ་ཐོད་པའི་ཕྲེང་བ་ཅན་གྱིས
iiif viewer powered by OpenSeadragon
