| e-texts navigator |
| Wylie |
233a1 ཅིང་ཐིག་ལེ་ཉག་གཅིག་རང་བྱུང་དབྱིངས་ལ་སྤྱོད།། ས་དང་ལམ་ལ་བགྲོད་ཅིང་སྦྲང་དུ་མེད་པའི་སྐུ་ལ་འཛིན་པའི་བསམ་པ་མེད།། འཛིན་པ་མེད་ཅིང་ཆགས་ཞེན་མེད་ན་སངས་རྒྱས་ཆོས་སུ
233a2 འདོད།། ཅེས་བརྗོད་ནས་མི་སྣང་བའི་ངང་དུ་གཤེགས་སོ།། དེ་ནས་ཡང་འདོད་ཆགས་ཀྱི་གཙོ་མོ་མེ་ལོང་གདོང་གིས་འདི་སྐད་སྨྲས་སོ།། ཨེ་མ་ཧོ་སྐུ་གཅིག་ཀུན་ལ་ཁྱབ་པའི་སྐུ།། མཐོང་ཞིང་རྟོགས་པར་དཀའ་ཞིང
233a3 བརྗོད་པའི་ཚིག་དང་བྲལ།། ཁྱབ་བརྡལ་འུབ་ཆུབ་ཀུན་གྱི་སྙིང་པོ་ཡིན།། རང་བྱུང་འགག་མེད་དཀྱིལ་འཁོར་ཆེན་པོ་ནི།། རང་རང་ཙིཏྟའི་དཀྱིལ་ན་ཁ་དོག་འབར།། དཀར་འཇམ་སྟོང་པའི་རྩ་དག་དང་།། ཐིག་ལེ
233a4 འཕྲོ་བའི་རྩ་རྣམས་དང་།། རྣམ་པར་གྲོལ་བྱེད་རྩ་རྣམས་དང་།། ཤལ་དཀར་རྒྱུ་བའི་རྩ་དག་ནས།། རྣམ་ཤེས་རླུང་ལ་ཞོན་ནས་ནི།། བྷི་གུ་ཏ་ཡ་སྒོ་ཆེན་ནས།། ལམ་བྱུང་སྟོང་པའི་ངང་དུ་ཐིམ།། ཐིམ་བྱེད་མེད་པར་ས
233a5 ལེར་གསལ།། ཚོམ་བུ་ལྔར་ལྡན་ཡེ་ཤེས་གསལ།། དུས་མེད་རང་སར་གྲོལ་བའོ།། སྐྱེ་མེད་དབྱིངས་ལས་ཡེ་ཤེས་བྱུང་།། འགག་མེད་ངང་དུ་གཉིས་མེད་ཐིམ།། རྫོགས་དང་མ་རྫོགས་ཐ་སྙད་བྲལ།། འགྲོ་དང་འོང
233a6 མེད་གནས་སུ་དག། སྐྱེ་དང་འཆི་མེད་དབྱིངས་སུ་རྫོགས།། གནས་པ་མེད་པར་རང་གྲོལ་རྟོགས།། ཡེ་ཤེས་འཛིན་མེད་ཆོས་དང་བྲལ།། ཡང་དག་ས་ལ་དེ་བཞིན་གཤེགས།། ཞེས་བརྗོད་ནས་མི་སྣང་བའི་ངང་དུ
iiif viewer powered by OpenSeadragon
