| e-texts navigator |
| Wylie |
232a1 ཧ། བཅུ་པ་ཆོས་ཀྱི་སྦྱིན། དེ་བཞིན་སྒྲ་ཡི་རྣམ་པ་ཀུན།། ཅི་ལྟར་མཐུན་པའི་དོན་མཚོན་པའོ།། དེ་ནི་གྲངས་ཀྱི་གོ་དཀའ་བ་དག་བསྟན་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། གྲངས་ཡིག་བསྟན
232a2 པའི་ལེའུ་སྟེ་ཞེ་ལྔ་པའོ།། ། དེ་ནས་ཡང་མཁའ་འགྲོ་མའི་རིགས་རྣམས་ཀྱིས་འདི་སྐད་ཅེས་སྨྲས་སོ།། ཡང་དག་པར་རྫོགས་པའི་སངས་རྒྱས་ལ་བསྒོམ་དུ་མེད་དོ།། སྒོམ་བྱེད་ནི་མ
232a3 འགགས་པའོ།། བསྒོམ་རྒྱུ་ནི་མི་དམིགས་པའོ།། དགོངས་པའི་ཚད་ནི་ནམ་མཁའ་ལ་གཟུང་ངོ་།། ཞེས་བརྗོད་དོ།། དེ་ནས་འདོད་ཆགས་ཀྱི་གཙོ་མོ་ཨེ་ཀ་ཙ་ཏི་མས་འདི་སྐད་ཅེས་བརྗོད་དོ།། སྐད་ཅིག་དང་ལས་ཆོས
232a4 རྣམས་ཐམས་ཅད་བྱུང་།། ཨེ་མ་ཧོ་རིན་ཆེན་བྱང་ཆུབ་སེམས།། ཀུན་ལ་ཡོད་དེ་ཀུན་གྱིས་མཐོང་བ་མེད།། རང་བྱུང་བདུད་རྩིའི་ཐིགས་པ་འདི།། བཙལ་བྱ་བཙལ་བྱེད་མེད་པར་རང་ལས་ཤར།། སངས་རྒྱས་དགོངས
232a5 པ་རང་བྱུང་སྐྱེ་བ་མེད།། གནས་དང་འགྲོ་འོང་མེད་པའི་རང་བྱུང་ཆེན་པོ་ཡིན།། འཛིན་ཆགས་མེད་པའི་རང་གྲོལ་ཆེན་པོ་འདི།། སེམས་མེད་སྐྱེ་མེད་དང་དུ་ཤེས་པར་བྱ།། དུས་མེད་སྣང་བའི་རང་བྱུང་ཆེན་པོ
232a6 ནི།། ནམ་མཁའི་ངང་ལས་ཉི་ཟླའི་ཆོ་འཕྲུལ་འབྱུང་བ་བཞིན།། སྐྱེ་མེད་ངང་ལས་འགག་མེད་ཆོ་འཕྲུལ་བྱུང་།། དེ་བཞིན་ཆོ་འཕྲུལ་ཆེན་པོ་དཀའ་བ་མེད།། གསང་བའི་སྙིང་པོའི་དོན་ཉིད་ནི།། རང་བྱུང་གསང་བའི
iiif viewer powered by OpenSeadragon
