| e-texts navigator |
| Wylie |
230b1 ཡེངས་ཚུལ་གྱིས་གུས་པར་ཉོན།། རང་སྣང་ཆོས་ཉིད་ནམ་མཁའ་ལ།། མ་བསྐྱོད་པ་ནི་རྟོགས་པའི་མཆོག། དུས་གསུམ་འགྱུར་བ་མེད་པའི་ཀློང་ཡངས་ནས།། བསྒོམ་དུ་མེད་པའི་དོན་བྱུང་བ།། ཡང་དག་ངེས་པའི
230b2 ལུང་འབྱུང་ཆེན་པོ་འདི།། གང་ལས་མ་བྱུང་རིག་པ་ཉིད་ལས་ཤར།། བསྒོམ་དུ་མེད་པའི་དོན་ནི་གང་ཡང་མ་སྤངས་ཏེ།། འཛིན་ཆགས་མེད་ན་བླ་མེད་རྙེད་པ་ཡིན།། མཆོད་པ་མེད་ན་ལྷ་རྣམས་འགྲུབ་པ
230b3 ཡིན།། བཟླས་སུ་མེད་ན་སྙིང་པོ་རྫོགས་པ་ཡིན།། བསྒྲུབ་ཏུ་མེད་ན་དངོས་གྲུབ་རྙེད་པ་ཡིན།། བསམ་པ་མེད་ན་ཆོས་སྐུ་ཆེན་པོ་ཡིན།། འབྱུང་བ་ལྔ་དང་སངས་རྒྱས་ལྔ།། དབྱེར་མེད་གཅིག་གི་ངོ་བོར་རྟོགས།། རིག
230b4 པ་གསལ་འགྲིབ་མེད་པ་དང་།། མ་རིག་སྣ་ཚོགས་སྣང་བ་གཉིས།། དབྱེར་མེད་གཅིག་གི་ངོ་བོར་རྟོགས།། སྐྱེ་དང་འཆི་བ་མེད་པ་རིག་པ་ཆོས་ཀྱི་སྐུ།། རྟོག་མེད་ངང་དུ་གཉིས་མེད་ཚུལ་གྱིས་རྟོགས།། ཡོངས་སུ་ཀུན
230b5 ལ་ཁྱབ་པས་སྣང་མཐའ་ཡས།། སྣང་སྲིད་ཀུན་ལ་ཁྱབ་པས་ཀུན་གཞི་ཀློང་ཡངས་ན།། རིག་པ་རང་ལ་ཁྱབ་པས་ཡེ་ཤེས་རོལ་པར་སྣང་།། མཐའ་ལ་ཐུག་པ་མེད་པར་ཡེ་ཤེས་རང་ལ་ཡོད་པའོ།། དེ་ནས་ཡང་ཞུས་པ།
230b6 ཀྱེ་ཀྱེ་ཐུགས་རྗེ་ཆེན་པོ་དང་ལྡན་པས།། བདག་ཅག་རྣམས་ལ་ཐབས་དམ་པ་བསྟན་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་ཉོན་ཅིག། ངས་བསྟན་གྱིས་ལེགས་པར་ཟུང་ཞིག། དེ་བཞིན
iiif viewer powered by OpenSeadragon
