| e-texts navigator |
| Wylie |
229b1 ནི།། མཁའ་ཁྱབ་སྟོང་བའི་ངང་དུ་ཐིམ།། འབྱུང་བ་མེད་པའི་ཆོས་ཉིད་ནི།། འོང་བ་མེད་པའི་ངང་དུ་ཐིམ།། རྒྱུ་མེད་སངས་རྒྱས་རང་བྱུང་ནི།། རྐྱེན་མེད་རྣམ་དག་ངང་དུ་ཐིམ།། ཕྱོགས་དང་རིས་སུ་འཛིན་པ
229b2 ཡང་།། ཕྱོགས་ལྷུང་མེད་པའི་ངང་དུ་ཐིམ།། རང་གསལ་རྣམ་དག་ཆེན་པོ་ནི།། ཡེ་ཤེས་འགྱུར་མེད་ངང་དུ་ཐིམ།། དུས་གསུམ་སངས་རྒྱས་དགོངས་པ་ནི། སྒྲོན་མ་ཉིད་ཀྱི་ངང་དུ་ཐིམ།། ཟག་མེད་ངང་ལ་རབ་གནས
229b3 པ།། སྐད་ཅིག་ཡེ་ཤེས་ཀློང་དུ་འདུས།། རྡོ་རྗེའི་ལམ་ལ་རབ་གནས་པ།། བརྗོད་མེད་ལམ་ལ་དེ་བཞིན་གཤེགས།། སྐུ་ལྔའི་ལམ་ལ་རབ་གནས་པ།། མི་བསྐྱོད་མཁའ་ལ་དེ་བཞིན་གཤེགས།། དུས་མེད་ཡེ་ཤེས་རང
229b4 སྣང་ངོ་།། ཞེས་བཀའ་སྩལ་ཏོ།། དེ་ནས་མཁའ་འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ།། དོན་དེ་ལྟ་བུ་གསུངས་པ་ངོ་མཚར་ཆེ་ལགས་སོ།། ཞེས་བརྗོད་ནས་ཡང
229b5 བསྟོད་པ།། ཨཿཧཱུཾ་བཅོམ་ལྡན་མགོན་པོ་རྡོ་རྗེ་ཡེ་ཤེས་སྐུ།། རྣམ་དག་རྡོ་རྗེ་སྐུ་ལ་ཕྱག་འཚལ་བསྟོད།། ཡེ་ཤེས་ལྔ་ལྡན་རྡོ་རྗེ་སྙིང་པོའི་སྐུ།། རྡོ་རྗེ་འོད་དཔག་མེད་ལ་ཕྱག་འཚལ་བསྟོད།། གསང་སྔགས་བདག་པོ་རྡོ་རྗེ
229b6 ཡེ་ཤེས་སྐུ།། རྟོག་མེད་ཆོས་ཀྱི་སྐུ་ལ་ཕྱག་འཚལ་བསྟོད།། མ་རིག་དབྱིངས་སུ་སྒྲོལ་མཛད་ཐམས་ཅད་མཁྱེན།། ཐུགས་རྗེས་དབྱིངས་སུ་སྒྲོལ་ལ་ཕྱག་འཚལ་བསྟོད།། སངས་རྒྱས་ས་དང་ལམ་ལ་བགྲོད་མེད
iiif viewer powered by OpenSeadragon
