| e-texts navigator |
| Wylie |
229a1 ལམ་ལས་རྡོ་རྗེའི་སྒྲ་འབྱུང་ཞིང་།། ཡེ་ཤེས་རྣམ་དག་བརྡལ་བའི་དཀྱིལ་འཁོར་འདི།། མ་བསྐྱེད་རྫོགས་པའི་ཚུལ་དུ་འགྲོ་བ་ཡོངས་ལ་ཁྱབ།། རྡོ་རྗེའི་སྐུ་ཉིད་ངང་ལས་ཡང་དག་འབྱུང་། རིག་པའི་སྐུ
229a2 ཉིད་ང་ཡི་ངང་དུ་ཡང་དག་ཐིམ།། ཡང་དག་སྐུ་ཉིད་རྡོ་རྗེའི་དོན་དུ་གསུང་།། ང་མེད་ང་ལས་ཐམས་ཅད་བྱུང་།། ང་མེད་ང་ལ་ཐམས་ཅད་རྫོགས།། ང་ཡི་ངང་དུ་ཐམས་ཅད་འདུ།། སངས་རྒྱས་ཀུན་གྱི་མེས་པོ་ནི།།
229a3 ཡི་རིག་པར་ཤེས་པར་བྱ།། གསང་སྔགས་ཐམས་ཅད་རིག་པའི་ཀློང་།། སྐྱེ་མེད་ངང་དུ་ཤེས་པར་བྱ།། ཨ། སྐྱེ་བ་མེད་པའི་ཡེ་ཤེས། ཨཱ། སྐྱེ་མེད་ཀྱི་རིག་པ། ཨ། སྐེ་མེད་ཀྱི་སྣང་བ། སརྦ། ཐམས་ཅད་ནས་ཐམས་ཅད་དུ་འདས་པ་རེ་བ་མེད་པ།
229a4 ཀ་ཡཱ། ཆོས་ཀྱི་སྒྲ་ཡུལ་དང་འོད་ལས་འདས། མ་ཧཱ། ལོངས་སྒྲ་འཛིན་པ་ལས་འདས། སནྟི། མི་འགྱུར་བའི་ཆོས་ཉིད་ཀྱི་གཞི། ད་ར་ཡ་དར་པ་ཡང་། སྟོང་པའི་ཆོས་ཉིད་ཡུལ་བཟང་། ག་ཏ། བྷ་ཏ་ཡང་། བཀའ་རྟགས་ཀྱི་ཕྱག་རྒྱ་དུས་ལས་མི་འདའ། ཞུ་བ་ཡ། འཛིན་པ་མེད
229a5 པའི་སྣང་བ་ཡུལ་མེད་པའི་རིག་པ་ཡེ་ནས་གནས་པའོ།། བྷཱུ་ཏུ། བྷ་དྷཱ་ཡང་། འདས་པ་དང་མ་འོངས་པ་མེད་པའི་ཡེ་ཤེས། ཨ། སྐྱེ་བ་མེད་པའི་ཡེ་ཤེས། ནམ་མཁའ་གཅིག་གི་ངང་དུ[:]འཇའ་ཚོན་ལྔ་ཐིམ་པའི་མན་ངག། རང་གི་ཡེ་ཤེས་སྣང་བ
229a6 ནི།། ནམ་མཁའ་སྟོང་པའི་ངང་དུ་ཐིམ།། རིག་པ་རྟོག་མེད་ཆེན་པོ་ནི།། ཡང་དག་བརྗོད་མེད་ངང་དུ་ཐིམ། འཛིན་མེད་རང་དག་ངོ་བོ་ནི།། རྟོག་མེད་ཆེན་པོའི་ངང་དུ་ཐིམ།། འགྱུར་མེད་རང་སངས་ཆེན་པོ
iiif viewer powered by OpenSeadragon
