| e-texts navigator |
| Wylie |
228b1 པ་སྣ་ཚོགས་ཡེ་ཤེས་ནི།། རང་བྱུང་སྒོ་བརྒྱད་དཀྱིལ་འཁོར་ལྡན།། རིག་པ་འགྱུར་མེད་གནས་པ་ནི།། རང་གྲོལ་ཡེ་ཤེས་གཅིག་པའི་ས། སངས་རྒྱས་སེམས་ཅན་གཅིག་པའི་ས།། སངས་རྒྱས་སེམས་ཅན་སྣང་བ
228b2 ཀུན།། གཅིག་ཤེས་ནང་དུ་ཤེས་པར་བྱ།། ཐམས་ཅད་ངོ་བོ་ཤེས་གྱུར་ན།། ཡེ་ཤེས་དག་པའི་སྣང་བའོ།། བག་ཆགས་མེད་པའི་རིག་པ་ནི།། རང་ཉིད་ཡུལ་ལ་བརྟག་པར་བྱ། དེ་ཕྱིར་རང་ལུས་རྙེད་པའོ།། མ། ཆོས་ཆེན
228b3 པོ་གསང་བ་བླ་ན་མེད་པ། ཧ། སྤོང་བྱེད་དང་བླང་བྱར་མེད། ལང་། འཛིན་པ་ལས་འདས་ཡེ་ཤེས་མེད། ཀཾ། ཐམས་ཅད་སྟོང་པའི་ཡེ་ཤེས་སུ། སརྦ། བདག་རྟོག་གི་བློ་མེད། ཡ། ཡང་དག་ཡུལ་གྱིས་སྟོང་པ། དྷུ། མིང་གིས་སྟོང་པ། ཧ་ཏ། རྟག་པ་སྟོང་པའི་ལྟ་བ། ཡ། ཡང་དག
228b4 པའི་ལྟ་བ། རྒྱ་མཚོ་ཆེན་པོ་གཅིག་གི་ནང་དུ་ཆུ་བོ་འདུ་བའི་མན་ངག་ཀ་དག་རིག་པའི་ཀློང་དཀྱིལ་དུ།། ཕྱི་ནང་གསང་བའི་ཆོས་རྣམས་འདུས།། སྐྱེ་མེད་ཡེ་ཤེས་དཀྱིལ་འཁོར་དུ།། གསང་སྔགས་རྒྱལ་པོ་རྡོ་རྗེའི
228b5 བདག། རྡོ་རྗེ་གསང་བའི་ཡེ་ཤེས་ནི།། གསང་སྔགས་ཀུན་གྱི་རིག་པ་དངོས།། ཡང་དག་ས་ལ་མི་གཡོ་ཞིང་།། འོད་གསལ་དང་དུ་གཉིས་མེད་ཟིམ།། གསང་སྔགས་རྒྱལ་པོ་མི་མཉམ་རྡོ་རྗེའི་སྐུ།། ཡེ་ཤེས་ཀུན་གྱི
228b6 གཏེར་དུ་གསུངས།། ཡང་དག་ལམ་དང་བརྗོད་མེད་ངང་དུ་འཇུག། སྐྱེ་མེད་རྡོ་རྗེ་སྐུ་ནི་འཇིགས་པ་ཀུན་དང་བྲལ།། རྣམ་དག་ཡེ་ཤེས་ཆེན་པོའི་སྐུ།། བརྗོད་མེད་ཚིག་དང་བྲལ་བས་རིག་པ་ཡེ་ཤེས་སྐུ།། རྣམ་དག
iiif viewer powered by OpenSeadragon
