| e-texts navigator |
| Wylie |
227a1 དང་།། ཐ་སྙད་བརྩམས་པའི་ཆོས་དང་བྲལ།། རྟོག་མེད་འཛིན་པ་མེད་པའི་ཆོས།། གཟུང་བའི་ཡུལ་མེད་འཛིན་པའི་སེམས་ལས་གྲོལ།། སངས་རྒྱས་དགོངས་པ་རྒྱས་པ་ཆེན་པོའོ།། ཤེས་པ་གཅིག་ཏུ
227a2 བསྡུས་པ་ག་ལ་ཡོད།། སྤྲོས་མེད་བསྡུས་མེད་ངང་ལ་རིག་པར་བྱར་མེད་གསལ།། རང་བྱུང་རང་གྲོལ་དང་དུ་དབྱེར་མེད་མཉམ།། སྐྱེ་འགགས་མེད་པའི་མེ་ལོང་འོད་པོ་ཆེ།། ཀུན་གྱི་སྙིང་པོ་ཡིན་པར་སངས་རྒྱས
227a3 ཀུན་གྱིས་གསུངས།། དྷ་ཏུ། གོ་བར་དཀའ་བ་དྷཱ་ཏུ། ཀཱ་ཡ། སྒྲ་དང་ཡེ་ཤེས་ཀྱི་སྣང་བ། པྲ་ས་ར། མི་འགྱུར་བ། དུ་པ་ཡཱ། རང་བཞིན་གྱི་སྣང་བ། ཨ། སྤྲོས་པའི་སེམས་ཡེ་ཤེས་སུ་འདུས་པས་ཡེ་ཤེས་རང་ལ་སྣང་བ། བྲག་ཕུག་སྟོང་པ་གཅིག་གི་ནང་ན
227a4 མར་མེ་གཅིག་ལ་མི་གཉིས་རྩོད་པའི་མན་ངག་བསྟན་པ། འཛིན་པ་མེད་པའི་རང་གསལ་ནི།། བཅོས་པ་མེད་པའི་ངང་དུ་ཞོག། སངས་རྒྱས་ཀུན་གྱི་ཡེ་ཤེས་ནི།། རང་ཉིད་ཙིཏྟའི་དཀྱིལ་དུ་ཞོག། རྟོག་པ་མེད་པའི
227a5 རང་སྣང་ནི།། ནམ་མཁའ་སྟོང་པའི་དཀྱིལ་དུ་ཞོག། རང་རིག་བཅོས་པ་མེད་པ་ནི།། སྒྲོན་མ་རྣམ་གཉིས་ཡུལ་ལ་ཞོག། སངས་རྒྱས་རྣམས་ཀྱི་མེས་པོ་ནི།། རང་བྱུང་ཤེས་རིག་ཡུལ་ལ་ཞོག། གསང་སྔགས་ཀུན་གྱི་ལྷ
227a6 ཕུགས་ནི།། སྒྲོན་མའི་ཡུལ་ལ་མ་ཡེངས་ལྟོས། ཧཱུཾ། ཡེ་ཤེས་དབྱིངས་སྡུད་པ། ཨ། སྐྱེ་བ་མེད་པའི་ཡེ་ཤེས། པྲ་ན། ཆོས་ཅན་གྱི་སྣང་བ། ཏི། མི་འགྱུར་བ་རྡོ་རྗེའི་སྭ། སརྦ། ཆོས་ཐམས་ཅད་ལས་འདས་པའི་ཡེ་ཤེས། ཨ། སྟོང་པ་སྐྱེ་བ་མེད་པར་རྟོགས་པ། བྷ།
iiif viewer powered by OpenSeadragon
