| e-texts navigator |
| Wylie |
224b1 མོ་ལ་བརྟེན་ནས། སྤྱོད་པ་བབ་ཚོལ་དུ་བྱེད་པའི་དུས་འབྱུང་ངོ་།། གསང་སྔགས་བོན་དུ་གྱེར་བའི་དུས་འབྱུང་ངོ་།། གསང་སྔགས་སྟོན་པའི་སློབ་དཔོན་མི་བཀུར་བར་གཉེན་དང་ཉེ་བའི་ཁ་ངོ་བལྟ་བའི་དུས་འབྱུང
224b2 ངོ་ངོ།། སྔགས་པས་གསང་མི་ཐུབ་པའི་དུས་འབྱུང་ངོ་།། སྐྱེས་པས་ཆོས་མི་ཐུབ་པའི་དུས་འབྱུང་ངོ་།། མི་རྣམས་ཀྱིས་གོས་ནག་པོ་གོན་པའི་དུས་འོང་ངོ་།། སྒྲུབ་པ་པོ་རྣམས་གྲོང་ཡུལ་དུ་འབབ་པའི་དུས་འབྱུང
224b3 ངོངོ།། གསང་སྔགས་ཀྱི་ཟབ་ཆོས་ལ་མི་སྤྱོད་པར་ལོག་པའི་ཆོས་ལ་སྤྱོད་པའི་དུས་འབྱུང་ངོ་།། སངས་རྒྱས་ཀྱི་དགོངས་པ་ཉམས་སུ་མི་ལེན་པར། གླུ་གར་དང་རོལ་མོ་དང་རྩེད་མོ་ལ་དགའ་བའི་དུས་འབྱུང་ངོ་།། སྒྲུབ
224b4 པ་པོ་རང་གཅིག་པུར་མི་འདུག་པར། མི་མང་པོ་ཚོགས་ནས་ཁ་ཚིག་ལ་སྤྱོད་པའི་དུས་འབྱུང་ངོ་།། སྲིན་པོ་གསོད་བྱེད་ནག་པོ་བྱ་བ་དང་། སྲིན་མོ་ནག་པོ་རག་ཤ་མ་བྱ་བ་གཉིས་སྔགས་པ་ཀུན་གྱི་སིང་དུ་ཞུགས
224b5 ནས།། དགོན་པ་མི་འཛིན་པར་གྲོང་ཡུལ་དུ་འབབ་ཅིང་གཙོ་བོ་བྱེད་ཅིང་ཕུང་བའི་ལས་དྲག་པོ་བྱེད་པ་འབྱུང་ངོ་།། ཚངས་པ་དུང་གི་ཐོར་ཚུགས་ཅན་དང་། ཡུམ་ཕུང་བྱེད་མ་ནག་མོ་གཉིས་ཀྱིས་བུ་དགེ་བསྙེན་དཀར
224b6 པོ་བྱ་བ་གཅིག་བཙུན་པ་ཀུན་གྱི་སྙིང་དུ་ཞུགས་ནས། རང་གི་འདུ་ཁང་མི་སྐྱོང་བར་སྡེ་པ་འཛིན་པའི་དུས་འབྱུང་ངོ་།། དེ་ལ་སོགས་པའི་རྟགས་མི་སྡུག་པ་དང་། མི་ལེགས་པ་འབྱུང་སྟེ། དེའི་དུས་ཙམ་ན་བསྟན་པ
iiif viewer powered by OpenSeadragon
