| e-texts navigator |
| Wylie |
223a1 རྙེད་ནས་ངོ་མཚར་སྐྱེས་སོ།། ཨ་ལ་ལ་ཧོ།། དོན་ཆེན་པོ་རྙེད་དོ།། གསང་སྔགས་ཐམས་ཅད་རང་གི་ཐུགས་སུ་ཆུད་དོ།། སངས་རྒྱས་ཀྱི་སྐུ་སེམས་ཅན་ལ་བྱུང་ངོ་།། ཨེ་མ་ཧོ།། ཐ་དད་གཅིག་ཏུ་འདུས
223a2 སོ།། ཀློང་གཅིག་ཏུ་འདྲིལ་ལོ།། ཨ་ཧོ་ཀློང་ཐམས་ཅད་སྒྲོན་མ་ལ་འདུས་སོ།། སྒྲོན་མ་ཐམས་ཅད་འོད་ལ་འདུས་སོ།། ཀྱེ་མ་ཧོ་འོད་ཐམས་ཅད་སྐུ་ལ་འདུས་སོ།། སྐུ་ཐམས་ཅད་རིག་པ་ལ་འདུས་སོ།། ཨཿཧཱུཾ་རིག
223a3 པ་ཐམས་ཅད་མི་གནས་པའི་ཀློང་དུ་ཐིམ་མོ།། དེ་བཞིན་དུ་རང་གི་དོན་ཐམས་ཅད། རང་རང་གིས་རྟོགས་ནས།། ཐེ་ཚོམ་གྱི་རྟོག་པ་བསལ་ལོ།། ཞེས་རིག་པ་རང་ཤར་ཆེན་པོའི་རྒྱུད་ལས།། འཁྲུལ་པའི་རང་བཞིན་གྱི་བརྡའི
223a4 ལེའུ་སྟེ་ཞེ་གཅིག་པའོ།། །། མྦི་པྲཱ་ན་ནཱ་ཤྭཪྻཱཿདེ་ནས་ཡང་མཁའ་འགྲོ་མ་དམར་མོའི་ཚོགས་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་སྟོན་པ་ཆེན་པོ་བདག་ཅག་རྣམས་ལ་ཐབས་དམ་པ་བསྟན་དུ
223a5 གསོལ། གསུང་དུ་གསོལ། ལུང་བསྟན་དུ་གསོལ། ཞེས་ཞུས་སོ།། དེ་ནས་སྟོན་པ་ཆེན་པོས་བཀའ་སྩལ་པ། ཀྱེ་ཉོན་ཅིག་ཁྱོད་རྣམས་ལ་ངས་བསྟན་གྱིས་གུས་པར་ཉོན་ཅིག། སྔོན་བག་ཆགས་ཀྱི་ཕུང་པོ་ལ་ག། ཡུལ་མ་ག
223a6 དྷའི་གྲོང་ཁྱེར་ཆེན་པོ་ཞེས་བྱ་བ་ན། རྒྱལ་རིག་པ་པོ་མཛེས་ལྡན་སྙིང་པོ་ཞེས་བྱ་བ་ལ། ལྷ་ཁང་འོད་ལྔ། ཡིད་དུ་འོང་བ་ཞིག་ཡོད་པ་ལས་འབངས་ཉོན་མོངས་པ། རྣམས་ཀྱིས་ཁེང་ལོག་བྱས་ཏེ། ལྷ་ཁང་ལ་མེ་ཕྱོགས་བཅུ་ནས
iiif viewer powered by OpenSeadragon
