| e-texts navigator |
| Wylie |
221a1 བརླབས་པ་མེད་པའི་ཕྱིར། ཐབས་ཞེས་བྱ་བ་མེད་དོ།། དེ་ནས་ཡང་མཁའ་འགྲོ་མ་རྡོ་རྗེའི་གཙུག་ཕུད་ཅེས་བྱ་བས་འདི་སྐད་ཅེས་གསོལ་ཏོ།། ཀྱེ་ཐུགས་རྗེ་ཆེན་པོ་དང་ལྡན་པ་སྒྲུབ་རྒྱུད་ཀྱི་བརྡའ་ཆེན
221a2 གསུང་དུ་གསོལ། ཞེས་ཞུས་སོ།། དེ་ནས་བཅོམ་ལྡན་འདས་དགོངས་པ་རང་གནས་ཀྱི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་མཁའ་འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན
221a3 འདས་ཏིང་ངེ་འཛིན་ལས་བཞེངས་ཤིག། འཇིག་རྟེན་ཀྱི་ཁམས་འོད་ཀྱིས་ཁོང་ཞིག་མ་རིག་པའི་མུན་པ་ཆོམས་ཤིག་ཡེ་ཤེས་ཀྱི་སྣང་བ་སྟོན་ཅིག་ཅེས་ཞུས་སོ།། དེ་ནས་ཡང་བཅོམ་ལྡན་འདས་ཀྱིས་ཏིང་ངེ་འཛིན
221a4 ལས་བཞེངས་ནས། འོད་ཟེར་གྱི་ཕུང་པོས་འཇིག་རྟེན་གྱི་ཁམས་སྟོང་གསུམ་གྱི་སྟོང་ཆེན་པོ་ཐམས་ཅད་ཁེངས་སོ།། དེ་ནས་སྟོན་པ་ཐུགས་རྗེ་ཆེན་པོ་དེས། མཁའ་འགྲོ་མའི་ཚོགས་རྣམས་ལ་འདི་སྐད་ཅེས་གསོལ
221a5 ཏོ།། ཨེ་མ་མཁའ་འགྲོ་མའི་འཁོར་རྣམས་ཉོན་ཅིག། སྔོན་ཡུལ་རྣམ་པར་དག་པ་རིག་པའི་ཞིང་ཁམས་ཞེས་བྱ་བ་ན། མཁར་སྒོ་བརྒྱད་ལྷུན་གྲུབ་དང་ལྡན་པའི་མཁར་ཞིག་ཡོད་དོ།། མཁར་དེའི་རྩེར་ཁྱེའུ་རིག་པ། སྣང
221a6 བའི་རིག་བྱེད་བྱ་བ་ཡོད། དེ་ལ་མ་རྒན་དེ་རིག་པ་དང་དུས་མཉམ། མོ་ལིང་ཏོག་ཅན་ཞེས་བྱ་བ་ཡོད། ཡུལ་དེའི་མདའ་ན་འཁོར་བ། སྡིག་སྤྱོད་ཉོན་མོངས་པ་པའི་རྒྱལ་པོ་གྲགས་པ་དབང་ཕྱུག་བྱ་བ་དེ་ལ་བུ་རྒྱལ་བུ་ལྔ་ཆགས་སྡང་ལྔ།།
iiif viewer powered by OpenSeadragon
