| e-texts navigator |
| Wylie |
220b1 ཤེས་སྐུ་མཆོག་འབར་བའི་ཆོས་སྐུའི་དོན།། བསམ་པ་ཀུན་སྤངས་ཆོས་ཉིད་མིང་དང་བྲལ།། རྣམ་དག་ཡེ་ཤེས་སྐུ་ལ་ཕྱག་འཚལ་བསྟོད།། ཞི་བའི་སྐུ་ལ་ཁྲོ་བོའི་ཆ་བྱད་ཅན།། འགྲོ་བ་ཟིལ་གྱི་གནོན་མཛད་སྟོབས་པོ
220b2 ཆེ།། ཁྲོ་རྒྱལ་ཧཱུཾ་སྒྲ་ཅན་ལ་ཕྱག་འཚལ་བསྟོད།། ཅེས་མཁའ་འགྲོ་མ་རྣམས་ཀྱིས་བསྟོད་ནས། རང་ལ་རང་ངོ་མཚར་སྐྱེས་ནས་འདི་སྐད་ཅེས་བརྗོད་དོ།། ཨེ་མ་ཧོ་དོན་ཆེན་པོ་རྙེད་དོ།། ཨེ་མ་ཧོ་ཀློང་གཅིག་ཏུ་འདུས
220b3 སོ།། ཨེ་མ་ཧོ་མཐའ་ཀློང་དུ་འདུས་སོ།། ཨེ་མ་རྟོགས་པ་སྐད་ཅིག་མ་ལ་གྲུབ་པོ། ཨ་ལ་ལ་ཧོ།། སངས་རྒྱས་ཀྱི་དགོངས་པ་རྙེད་དོ།། རང་ལས་བྱུང་བའི་ནོར་བུ་རིན་པོ་ཆེའི་དོན་ཐུགས་སུ་ཆུད་དོ།། ཅེས་བརྗོད་ཅིང
220b4 གླུ་དང་རོལ་མོ་སྣ་ཚོགས་པ་དང་། སྒྲ་སྣ་ཚོགས་ཀྱིས་མཆོད་པ་ཆེར་བྱས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། ཡོངས་སུ་བསྟོད་པའི་ལེའུ་སྟེ་བཞི་བཅུ་པའོ།། །། བྱམཿས1དེ
220b5 ནས་ཡང་མཁའ་འགྲོ་མ་སེར་མོའི་ཚོགས་ཀྱིས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ། བདག་ཅག་རྣམས་ལ་ཐབས་དམ་པ་བསྟན་དུ་གསོལ། ཞེས་ཞུས་སོ།། དེ་ནས་ཡང་བཅོམ
220b6 ལྡན་འདས་ཀྱིས་བཀའ་སྩལ་པ། ཀྱེ་འབྱུང་བའི་བདག་མོ་རྣམས་ཉོན་ཅིག། ངས་དོན་མ་ནོར་བར་ཁྱེད་ལ་བསྟན་གྱིས་ལེགས་པར་ཉོན།། ངས་ནི་སངས་རྒྱས་མ་མཐོང་ངོ་།། དེའི་ཕྱིར་སངས་རྒྱས་ཀྱི་བྱིན་གྱིས
iiif viewer powered by OpenSeadragon
