| e-texts navigator |
| Wylie |
220a1 ཚོགས་རྣམས་ཀྱིས་ངོ་མཚར་སྐྱེས་ནས་འདི་སྐད་ཅེས་བརྗོད་དོ།། ཨ་ཧཱུཾ་ཐུགས་རྗེས་ཉི་ཤར་སྟོང་ཁམས་ཁྱབ་མཛད་པ།། འོད་ཟེར་སྟོང་ལྡན་མ་རིག་མུན་ཁང་འཇོམས།། ཆོས་ཉིད་མི་འགྱུར་སྐུ་མདོག
220a2 མཐིང་གར་ལྡན།། ཐུགས་རྗེ་དྲུག་ལྡན་ཕྱག་དྲུག་མཚོན་ཆ་བསྒྱུར།། དྲི་མེད་ཡེ་ཤེས་མཆེ་བ་དཀར་པོ་གཙིགས།། རུ་ལུའི་སྒྲ་ལྡན་གདུག་པ་ཐབས་ཀྱིས་འདུལ།། ཐུགས་རྗེའི་ཞགས་པས་འགྲོ་བ་འདྲེན་མཛད
220a3 པའི།། ཡེ་ཤེས་སྤྱན་ལྡན་ཁྱོད་ལ་ཕྱག་འཚལ་བསྟོད།། ཐུགས་རྗེའི་སྟོབས་ལྡན་རྡོ་རྗེ་ཡེ་ཤེས་སྐུ།། འགྲོ་བ་འདམ་ནས་འདྲེན་མཛད་ཐུགས་རྗེའི་ཞགས་པ་ཅན།། ངོ་བོ་མི་འགྱུར་རྡོ་རྗེ་དོན་དང་ལྡན།། ཡེ་ཤེས་རྣམ
220a4 དག་སྐུ་ལ་ཕྱག་འཚལ་བསྟོད།། རྣམ་རྟོག་སྒྲིབ་མེད་ཡེ་ཤེས་འབར་བའི་སྐུ།། ཡེ་ཤེས་ཚོགས་རྫོགས་རྣམ་དག་ས་ལ་གནས།། རྡོ་རྗེའི་ལུས་ཉིད་རྣམ་དག་སྤྱན་ལྡན་པའི།། ཉི་མ་སྟོང་གི་འོད་ཟེར་ཐུགས་རྗེ་ཅན།། རང
220a5 རིག་རྡོ་རྗེ་སྐུ་ལ་ཕྱག་འཚལ་བསྟོད།། འོད་ཟེར་ཕྲེང་བས་འགྲོ་བའི་སྣང་བ་སྟོན།། ཤེལ་སྒོང་ལྟ་བུ་སྐྱོན་མེད་རྣམ་པར་དག། སྐྱོན་མེད་ཡེ་ཤེས་ཆོས་སྐུའི་མཚན་ཉིད་འཛིན།། ངོ་བོ་མི་འགྱུར་ཐུགས་རྗེའི་སྐུར་ཤར
220a6 བས།། ཐུགས་རྗེས་ཕ་རོལ་སྒྲོལ་ལ་ཕྱག་འཚལ་བསྟོད།། མ་འགགས་སོ་སོའི་མཚན་འཛིན་ཡེ་ཤེས་དོན།། མཚན་དང་དཔེ་བྱད་ལྡན་ཞིང་རྣམ་དག་སྐུ།། འགག་མེད་ལོངས་སྤྱོད་རྫོགས་ལ་ཕྱག་འཚལ་བསྟོད།། ཡེ
iiif viewer powered by OpenSeadragon
