| e-texts navigator |
| Wylie |
217a1 འགགས་སོ། དང་ལྡན་པ་ཁྱོད་ཉོན་ཅིག། ངས་ཁྱོད་ལ་ལུང་བསྟན་ནོ།། ཁྱོད་མ་ཡེངས་པར་ཉོན་ཅིག། རི་བོ་ཆེན་པོ་མ་ལ་ཡ་ཞེས་བྱ་བའི་རྩེ་མོ་ན། རང་གི་ལུས་ལ་བྱ་སྟེ་དེ་ཡང་རང་གི་སྙིང་གི་ནང་ན་རེག་པ་གནས་ཅལ
217a2 ལ་ཐིག་ལེ་ཀླད་པ་ན་ཡེ་ཤེས། མིག་ལ་སྒྲོན་མ་གནས་པར།། མགོ་བོའི་ནང་ནས་མིག་ཏུ་ལམ་བྱུང་སྟེ་དེ་ཡང་སྒྲོན་མ་རྣམ་པ་གཉིས་ནམ་མཁའ་ཡེ་ཤེས་ཀྱི་འོད་དུ་གསལ་ལོ་དེ་ཡང་རིག་པའི་ཟེར་དུ་སྣང་བ་རང་བཞིན་ཡེ་ཤེས་ཀྱི་དབང་དུ་འཆར་རོ།། རྒྱ་མཚོ་མུ་ཁྱུད་ཅན་ཞེས་བྱ
217a3 བ་ན། དེའི་ནང་ན་ཡབ་འོད་སྲུང་ཞེས་བྱ་བ་དང་། རིག་པའི་སྐུ་འོད་དུ་གནས་ཏེ་འོད་དེ་ལ་ཡང་ཐག་པ་མེད་ཅིང་བྲི་བ་མེད་པ་ཡེ་ཤེས་ཀྱི་རང་འོད་དང་བཅས་ཏེ་ལམ་ལ་ངོས་བཟུང་གི་མཐའ་དང་བྲལ་བའོ།། ཡུམ་དེ་ཡང་ཡུམ་ཆོས་ཉིད་ཀུན་ཏུ་བཟང་མོ་རང་ལ་ཤར་ཞིང
217a4 འཕྲོས་པའོ།། ཐབས་ཀྱི་ཆ་འཛིན་པས་འོད་དུ་སྣང་། ཤེས་རབ་ཀྱི་ཆ་འཛིན་པས་ཡེ་ཤེས་སུ་སྣང་། དེ་ཡང་ཆོས་ཀྱི་སྒྲ་བདེ་བ་ཆེན་པོའི་ཡུལ་ཤར་བའོ།། རྡོ་རྗེ་ཕག་མོ་གཉིས་བཤོས་པ་ལས། མིང་སྲིང་གཉིས་བྱུང་སྟེ། དྷཱ་ཏུའི་སྒྲོན་མ་དང་ཐིག་ལེ་སྟོང་པའི་སྒྲོན་མའོ།། དེ
217a5 ནས་ཕ་མ་ཟབས་ཤེས་སུ་སྣང་བ་ནི་མ་འགགས་པ་ཙམ་མོ། གཉིས་ཀྱིས་མིང་སྲིང་སྒྲོན་མ་གཉིས་ཡིན་པར་བསྟན། གཉིས་ལ་འདི་སྐད་ཅེས་ཟེར་རོ།། བུ་དབྱིངས་རྣམ་པར་དག་པའི་སྒྲོན་མ་ཡུལ་དུ་སྣང་བ་ཙམ་སྟེ། དེ་ཡང་ཡུལ་དུ་སྣང་བའི་ཡེ་ཤེས་གསལ་དུ་མ
217a6 སྟེར་ཏེ་ཡུལ་དང་ཡུལ་ཅན་དུ་བཟུང་ངོ་།། ཞེ་སྡང་གི་མེ་ལ་བྱ་སྟེ་དེ་ཡང་ཡུལ་དང་འཕྲད་ནས་མེས་བྱེད་པ་དང་འདྲ་སྟེ་ཀུན་ཏུ་འབར་ཞིང་མཆེད་པའོ།། ཁྱོད་སོང་ལ་བདུད་ནག་མ་རིག་པ། པོའི་ཡུལ་ནས་མེ་ལོང་ལ་ཤོག་ཅིག། བུ་མོ་ཐིག་ལེ་སྟོང་པའི་སྒྲོན་མ་ལ་བྱ་སྟེ།
iiif viewer powered by OpenSeadragon
