| e-texts navigator |
| Wylie |
213b1 པའོ།། །། མརྠ་ཏྲསྐདྡ་ཐརྔཿདེ་ནས་ཡང་མཁའ་འགྲོ་མའི་རིགས་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པས་བདག་ཅག་རྣམས་ལ་བརྡའ་ཡིས་མཚོན
213b2 ལ། སྒྲུབ་རྒྱུད་ཀྱིས་མཚོན་པ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་ཀློང་དུ་དག་པ་རྣམས་ཉོན་ཅིག། སངས་རྒྱས་ཀྱི་དགོངས་པའི་ཚད་ནི་འདི་རྣམས་ཀྱིས་གཟུང་བར་བྱའོ།། ཨགྷ། ཆོས་ཉིད
213b3 གློས་དང་བྲལ་བ། ཧ། མི་འགྱུར་བ། སྭ། སྟོང་པ། ར། ཡེ་ཤེས་ལ་འཆར་བ། དྷ། སྑ་ལས་འདས་པ། སྭ། ཀློང་དུ་ཡེ་ཤེས་ཀྱི་ངོ་བོར་ཐིམ། ཨ། སྐྱེ་མེད་སྟོང་པའི་རྒྱས་བཏབ་པའོ།། དཔེ་གཅིག་ལ། ཨ། མི་འགྱུར་བ། ག་ཏ་ཆོས་ཉིད་སྤྲོས་པ་དང་བྲལ་བ། པཱ། སྟོང་པ། ར། ཡེ་ཤེས་པ
213b4 འཆང་བ། དྷ། ཀུན་ལས་འདས་པ། སང་། ཀློང་དུ་ཡེ་ཤེས་ངོ་བོ་ཐིམ། ཨངཿསྐྱེ་མེད་སྟོང་པའི་རྒྱས་བཏབ་པའོ།། སྔོན་ཡུལ་ཡངས་པ་ཅན་ཞེས་བྱ་དང་པོའི་འཁྲུལ་གཞི་བསྟན་ཏེ་གཞོན་ནུ་བུམ་པ་སྐུའི་གནས་ལུགས་སོ། བ་ན། སྟོན་པ་འོད་འགྱེད་པ་ཞེས་བྱ་བ
213b5 ཡོད་དེ། རིག་པ་རང་བྱུང་གི་ཡེ་ཤེས་ཕྱོགས་མེད་དུ་ཤར་བའོ།། དེ་ལ་བུ་སྤུན་གཉིས་ཡོད་པ། དེ་ཡང་རིག་པ་དང་མ་རིག་པ་གཉིས་སུ་བྱུང་ནས་འཁྲུལ་པ་མ་རིག་པའོ།། གྲོག་པོ་སྟོང་པར་ལྷུན་གྲུབ་ཀྱི་སྣང་བ་ལས་འཁྲུལ་ནས་ཡེ་ཤེས་མ་བུ་འཇོལ། བཙོན་དུ་མ་རིག་པས
213b6 རིག་པ་འཁོར་བར་བཅིངས་པའོ།། བཟུང་ཟེར་ཏེ་ཡ་ཆ། ངོ་མཚར་ཆེ་བའི་ཚིག་དེ་ནས་དམག་མི་ལྔ་བྱུང་ནས། དེ་ལ་ལ་འདོད་ཆགས་བྱུང་བས་ཉོན་མོངས་པའི་གནས་སུ་སོང་། དེ་ལས་ཞེ་སྡང་བྱུང་བས་དེ་བས་ཀྱང་རགས་སུ་ལོག་དེ་ལས་ང་རྒྱལ་བྱུང་བས་ང་དང
iiif viewer powered by OpenSeadragon
