| e-texts navigator |
| Wylie |
213a1 བཅུད་ཡིན།། རང་ཉིད་གཅིག་པུར་དལ་བར་འདུག་གྱུར་ན།། ཡེ་ཤེས་སྣང་བ་འགག་མེད་འཆར།། དེ་ལ་གནས་ན་ཏིང་འཛིན་འཐོབ།། དེ་ལ་སྒྲོན་མ་རྣམ་པ་གཉིས།། དབྱིངས་དང་རིག་པར་བསྟན
213a2 པའོ།། ཆོས་ཉིད་སྟོང་ཉིད་ཕོ་བྲང་དུ།། དག་པའི་ལམ་ལྔ་མ་བསྐྱེད་རྫོགས།། འགྱུར་མེད་ཡེ་ཤེས་བརྡལ་བའི་སྐུ།། འགྱུར་མེད་རྣམ་དག་ཡེ་ཤེས་ཀློང་།། རྟོག་མེད་འཛིན་པའི་ཡེ་ཤེས་ལྔ།། བསམ་པའི་རྣམ་རྟོག་བྲལ
213a3 བའོ།། སངས་རྒྱས་ཀུན་གྱི་ཡེ་ཤེས་སྐུ།། ང་མེད་པ་ཡི་སྔོན་རོལ་ན།། སངས་རྒྱས་མེད་དེ་སེམས་ཅན་མེད།། སྐུ་དང་ཡེ་ཤེས་མེད་པའོ།། རིག་པ་ཡང་དག་ཡེ་ཤེས་ཀློང་།། རྟོག་མེད་འཛིན་པའི་ཡེ་ཤེས་ལྔ།། བསམ
213a4 པའི་རྣམ་རྟོག་བྲལ་བའོ།། སངས་རྒྱས་ཀུན་གྱི་ཡེ་ཤེས་སྐུ།། རིག་དང་ས་དང་ལམ་ཡང་མེད།། ང་དང་རང་བཞིན་བདག་ཉིད་མེད།། འཁོར་དང་མྱ་ངན་འདས་པ་མེད།། དེ་ལྟར་མེད་པ་རྟོགས་པ་དང་།། ཡོད་པ
213a5 རྣམ་པ་གཉིས་སུ་འདུས།། ང་ཡོད་པ་ཡི་བལྟ་ད་ལྟ་ན་ཡང་འདུག་པ་ན།། སྐུ་ལྔ་ཡེ་ཤེས་རྣམ་ལྔ་ཡོད།། འགྱུར་མེད་རིག་པ་འགག་མེད་ཡོད།། འོད་ལྔ་རྟོགས་དང་དྲུག་ཀྱང་ཡོད།། སྒྲོན་མ་བཞི་དང་ཡུལ་ལྔ་ཡོད།། ཁ་དོག
213a6 སྐྲ་དང་རིགས་ཀྱང་ཡོད།། ཡུལ་དང་དངོས་པོར་འཛིན་པ་ཡོད།། དེ་ལྟར་ཡོད་པར་རྟོགས་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། རྟོགས་ལུགས་བསྟན་པའི་ལེའུ་སྟེ་སོ་བརྒྱད
iiif viewer powered by OpenSeadragon
