| e-texts navigator |
| Wylie |
211a1 རྣམ་དག་ཆོས་ཉིད་སྟོང་པའི་ཀློང་དཀྱིལ་དུ།། ལུ་གུ་རྒྱུད་ནི་དཀྱིལ་ཡིན་ཏེ།། དབྱིངས་ཀྱི་སྒྲོན་མ་འཁོར་དུ་འདོད།། རྩ་བའི་དཀྱིལ་འཁོར་ཆེན་པོ་གསུམ།། དེ་ལ་སོགས་པའི་དཀྱིལ་འཁོར་རྣམས།། སྐུ
211a2 དཀྱིལ་འཁོར་འགྱུར་མེད་ཀློང་།། གསུང་གི་དཀྱིལ་འཁོར་འགག་མེད་ཡངས།། ཐུགས་རྗེའི་དཀྱིལ་འཁོར་རྟོག་མེད་དང་།། སྐུ་གསུང་ཐུགས་ཀྱི་དཀྱིལ་འཁོར་ནི།། རང་རང་དཀྱིལ་དང་འཁོར་དུ་བཅས།། འགྲོ་མེད
211a3 འོད་མེད་འགྱུར་བ་མེད།། རང་རང་ཙདྷའི་དབྱིངས་ན་གནས།། དེ་སྐར་དཀྱིལ་འཁོར་ཆེན་པོའི་དོན།། རང་རང་ལུས་ལ་རྫོགས་པའོ།། ཞེས་རིག་པ་རང་ཤར་ཆེན་པོའི་རྒུད་ལས། དཀྱིལ་འཁོར་བསྟན་པའི་ལེའུ
211a4 སོ་དྲུག་པའོ།། ། པྲབྷཐབྷཱ། དེ་ནས་ཡང་མཁའ་འགྲོ་མའི་ཚོགས་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཡེ་ཤེས་བདག། མཁའ་འགྲོ་མ་ཡི་རིགས་རྣམས་ལ།། རང་རང་དོན
211a5 ཆེན་བསྟན་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཀྱེ་མ་གསང་བའི་འཁོར་ཚོགས་ཉོན།། ངས་བསྟན་ལེགས་པར་ཡིད་ལ་ཟུང་།། རང་རང་དོན་སྦྱར་འདི་ལྟ་སྟེ།། སེམས་ཅན་ཀུན་གྱི་རང་རིག་ནི།། སྙིང་གི
211a6 དཀྱིལ་དུ་གནས་པའོ།། དེ་ཡང་གནས་ལུགས་འདི་ལྟ་སྟེ།། ཤེས་ཤིང་རིག་པའི་ངོ་བོར་ཡོད།། དེ་ཡང་རིག་པའི་སྒྲ་དང་ལྡན།། སྐུ་ལ་ཡེ་ཤེས་འགག་མེད་གསལ།། ཡེ་ཤེས་ལས་བྱུང་འོད་དུ་ཡོད།། དེ་ཡང་རིག
iiif viewer powered by OpenSeadragon
