| e-texts navigator |
| Wylie |
210b1 པ་བྱེད་པའི་ཚེ།། དཀྱིལ་འཁོར་རྣམ་པ་གཉིས་སུ་འདོད།། ཞི་བ་དང་ནི་ཁྲོ་བོ་གཉིས་སུ་གསུངས།། དབང་རྫོགས་བྱེད་ན་དེ་ལྟར་བྱ།། ཞི་བའི་དཀྱིལ་འཁོར་ཆེན་པོ་ནི།། དབུས་སུ་འཁོར་ལོ་རྩིབས་བཞིའོ།། ཐ་མ་རྡོ
210b2 རྗེའི་ར་བར་བཅས།། རིན་ཆེན་ཕ་གུ་དག་དང་ནི།། ཟ་ར་ཚག་གི་ཕྲེང་བར་ལྡན།། དེ་བཞིན་སྒོ་དང་སྒོ་ཁྱུད་ལྡན།། དེ་ནི་ཞི་བའི་དཀྱིལ་འཁོར་ཡིན།། ཁྲོ་བོ་དཀྱིལ་འཁོར་འདི་ལྟ་སྟེ།། དབུས་སུ་འཁོར་ལོ་རྩིབས
210b3 བརྒྱད་ལྡན།། ཕོ་བྲང་གྲུ་གསུམ་མཐིང་ནག་ལྡན།། དེ་ལ་སོགས་པའི་བྱ་བ་རྣམས།། རིམ་པ་བཞིན་དུ་ཤེས་པར་བྱ།། དེ་ནི་རྡུལ་ཚོན་དལ་དུ་འདོད།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ
210b4 ཏོ།། ཀྱེ་ཀྱེ་བཅོམ་ལྡན་ཡེ་ཤེས་སྐུ།། རྡུལ་ཚོན་དཀྱིལ་འཁོར་དེ་ལྟར་ན།། རྩ་བའི་དཀྱིལ་འཁོར་ཅི་ལྟར་ལགས།། མོས་པའི་འཁོར་ལ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང
210b5 བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། རྩ་བའི་དཀྱིལ་འཁོར་ཆེན་པོ་ནི།། རང་རང་ཙིཏྟའི་དཀྱིལ་ན་གནས།། དེ་ཡང་དཀྱིལ་འཁོར་འདི་ལྟ་སྟེ།། རང་བྱུང་རིག་པ་དཀྱིལ་ཡིན་ཏེ།། འོད་ལྔའི
210b6 སྣང་བ་འཁོར་དུ་འདོད།། རྩ་བའི་དཀྱིལ་འཁོར་ཆེན་པོ་གཅིག། རང་རང་དུང་ཁང་དཀར་པོ་ན།། རྣམ་དག་ཐིག་ལེ་དཀྱིལ་ཡིན་ཏེ།། ཐིག་ཕྲན་ཟེར་ལྡན་འཁོར་དུ་འདོད།། རྩ་བའི་དཀྱིལ་འཁོར་ཆེན་པོ་གཉིས།།
iiif viewer powered by OpenSeadragon
