| e-texts navigator |
| Wylie |
209b1 བསྐྱེད་རྫོགས་པའི་ཚུལ་དུ་གནས།། དེ་ཡང་བཞུགས་རྡུལ་འདི་ལྟ་སྟེ།། ཞི་བའི་ཆ་ལུགས་ཀུན་དང་མཐུན།། བཞེངས་པ་དང་ནི་བཞུགས་པ་དང་།། ཡབ་དང་ཡུམ་དུ་སྣང་བ་དང་།། ཕྱག་རྒྱ་དང་ནི་ཏིང་འཛིན་ནོ།།
209b2 བ་སྒོ་མ་འཁོར་དང་བཅས།། ཐུབ་པ་དྲུག་ལ་སོགས་པའོ།། འཁོར་ནི་དཔག་ཏུ་མེད་པའོ།། དེ་ཡང་ཕྱག་མཚན་ཐ་དད་དང་།། ཕྱག་རྒྱ་གར་ལ་སོགས་པ་བསྒྱུར།། སྒྲ་དང་རོལ་མོ་སྣ་ཚོགས་ཀྱིས།། གཙོ་བོ་ཡབ་ཡུམ
209b3 མཆོད་པར་བྱེད།། རང་བཞིན་དཀྱིལ་འཁོར་ཆེན་པོ་ནི།། ལྷ་དང་ལྷ་མོ་ཐམས་ཅད་ཀྱང་།། འགྱིང་བའི་སྟངས་དང་བཅས་པའོ།། ཀུན་ཀྱང་འོད་ཟེར་ལྔ་ལྔར་ལྡན།། རང་ལས་བྱུང་ཞིང་རང་ལ་གྲོལ།། དེ་ཡང་དབུ་རྒྱན
209b4 ལྔ་ལྔ་དང་།། དཔུང་རྒྱན་དང་ནི་མགུར་ཆུ་དང་།། ཕྱག་གདུབ་དང་ནི་ཞབས་གདུབ་དང་།། དོ་ཤལ་དང་ནི་སེ་མོ་དོ།། དེ་བཞིན་རྒྱན་གྱི་རྣམ་པ་དང་།། མཚན་དང་དཔེ་བྱད་ལྡན་པའི་སྐུ།། ཁ་དོག་མ་འདྲེས་སོ་སོའི
209b5 མཚན་འཛིན་པ།། དབུས་མཐིང་ཤར་ཕྱོགས་དཀར་པོ་སྟེ།། ལྷོ་ཕྱོགས་སེར་པོ་ནུབ་ཕྱོགས་དམར།། བྱང་ཕྱོགས་ལྗང་གུ་རྫོགས་པའོ།། རིགས་ཀྱི་ཁ་དོག་དེ་བཞིན་ནོ།། དེ་ནི་རང་བཞིན་དཀྱིལ་འཁོར་རོ།། དེ་ནས
209b6 ཡང་ཞུས་པ། ཀྱེ་ཀྱེ་བཅོམ་ལྡན་རྣམ་དག་སྐུ།། ཞི་བའི་དཀྱིལ་འཁོར་དེ་ལྟར་ན།། ཁྲོ་བོའི་དཀྱིལ་འཁོར་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་གསང་བའི་བདག་པོ་ཉོན།། ངས་བསྟན
iiif viewer powered by OpenSeadragon
