| e-texts navigator |
| Wylie |
208b1 ཡང་བཅུད་འདི།། སྣོད་དང་ལྡན་པའི་སྐྱེས་བུ་རྣམས་ལ་གནང་།། རྫོགས་ཆེན་ཨ་ཏི་ཡོ་ག་ནི།། དཔེར་ན་གཅན་གཟན་སེང་གེ་བཞིན།། གངས་ཀྱི་སྟོད་ན་གནས་ཤིང་སྡེར་ཆགས་ཟིལ་གྱིས་གནོན།། དེ་བཞིན་རྫོགས
208b2 ཆེན་ཨ་ཏི་ནི།། སྣ་ཚོགས་དོན་ཆེན་སྟོན་ཏེ་ཐེག་དམན་ཟིལ་གྱིས་གནོན།། སེང་གེས་ངར་སྐད་བཏོན་པས་གཅན་གཟན་ཐམས་ཅད་བརྒྱལ་ཞིང་སྐྲག་རྫོགས་ཆེན་རང་སྐད་འདོན་པས་ཐེག་དམན་ཐམས་ཅད
208b3 བརྒྱ་ལ།། ཀུན་དང་མི་མཉམ་རྫོགས་ཆེན་ཨ་ཏིའི་དོན།། སངས་རྒྱས་ཀུན་གྱི་གསང་བ་ཡང་བཅུད་ཡིན།། སངས་རྒྱས་ཀུན་གྱི་ཐུགས་མཆོག་ཆོས་ཀྱི་གནས།། དུས་ལ་འགྱུར་བ་མེད་པའི་སངས་རྒྱས་ནི།། རང་རང
208b4 ཙིཏྟའི་དཀྱིལ་འཁོར་ཆེན་པོ་ན།། སྐུ་དང་ཡེ་ཤེས་འོད་དང་ཟེར་དུ་གནས།། འགྱུར་མེད་སྐུ་ལ་ཡེ་ཤེས་ཟིལ་གྱིས་བརྒྱན།། འགགས་མེད་འོད་ལ་སྐུ་ཡི་ལོངས་སྤྱོད་རྒྱན།། སེམས་དང་བྲལ་བའི་རིག་པ་སངས་རྒྱས
208b5 དངོས།། ཡིད་དང་བྲལ་བའི་རྡོ་རྗེ་སེམས་དཔའ་ངས།། གསལ་བྱེད་དངོས་པོར་སྣང་ལ་རྟོག་པ་མེད་པར་ཤེས།། རྟོག་མེད་ཤེས་རབ་མཉམ་ཉིད་ནི།། རང་གིས་རང་གྲོལ་ཆེན་པོའོ།། ཞེས་རིག་པ་རང་ཤར་ཆེན་པོའི
208b6 རྒྱུད་ལས། རྫོགས་ཆེན་གྱི་བལྟ་བ་ལ་བཟླ་བའི་ལེའུ་སྟེ་སོ་ལྔ་པའོ།། ། ཨོཾ་ཧཱུཾཿ@ཐཿ། ཛཿ། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ
iiif viewer powered by OpenSeadragon
