| e-texts navigator |
| Wylie |
208a1 ཉོན་ལ་གུས་པར་ལྟོས།། སངས་རྒྱས་མེད་པས་སངས་རྒྱས་མིང་ཡང་མེད།། སྟོན་པ་སངས་རྒྱས་མིང་དུ་འདོགས་པའི་སངས་རྒྱས་འཁྲུལ།། ཡང་དག་དོན་གྱི་ངོ་བོ་ལ།། སངས་རྒྱས་དང་ནི་སེམས་ཅན
208a2 མེད།། རིག་པ་འཛིན་པ་མེད་པས་སྟོན།། སྟོང་པ་ཉིད་ལ་མི་གནས་ན།། རང་གི་བདེ་ཆེན་ས་ལ་གནས།། སངས་རྒྱས་ཀུན་གྱི་རྗེ་བཙན་པ།། རང་གི་རིག་པ་ཤེས་པར་བྱ།། རང་སྣང་རིག་པའི་རྒྱལ་པོ་ཉིད།། ཀུན་ལ
208a3 ཡོད་དེ་ཀུན་གྱིས་རྟོགས་པ་མེད།། རང་སྣང་རིག་པའི་སྒྲོན་མ་དེ།། ཀུན་གྱིས་གོ་བར་དཀའ་བའོ།། མཚུངས་མེད་རྟོག་པ་མེད་པ་ཡི།། རང་གསལ་ཆོས་ཉིད་དག་པ་འདི།། དགེ་མེད་སྡིག་མེད་དོན་ཆེན་འབྱུང་བ
208a4 ནི།། སངས་རྒྱས་ཀུན་གྱིས་གསུངས་པའི་དོན་བཅུད་ཡིན།། དུས་གསུམ་སངས་རྒྱས་ཐམས་ཅད་ལ།། དགོངས་པ་གཅིག་ལས་མེད་པའོ།། སངས་རྒྱས་ཀུན་གྱི་རིག་པ་ནི།། སེམས་ཅན་ཀུན་གྱི་རང་ལུས་ན།། འོད
208a5 ལྔའི་མུ་ཁྱུད་ཟླུམ་པོར་གནས།། སེམས་ཅན་ཀུན་གྱི་ངོ་བོ་ནི།། འགྱུར་མེད་སྐུ་ཡི་ངོ་བོའོ།། སངས་རྒྱས་སེམས་ཅན་ཐམས་ཅད་ལ།། རང་རང་ཐུགས་ཀྱི་དཀྱིལ་འཁོར་ཚང་།། ང་ཉིད་གཅིག་པུ་དཀྱིལ་འཁོར་ལྷ།།
208a6 ཉིད་རྡོ་རྗེ་རྐྱེན་དང་བྲལ།། ང་ཉིད་དཔའ་བོ་གཅིག་པུ་ཉིད།། ངས་ནི་བྱ་བ་ཐམས་ཅད་བྱེད།། གསང་སྔགས་རྒྱལ་པོ་ཚིག་ལས་འདས།། ཚིག་དང་ཡི་གེ་སྟོན་པའི་གང་ཟག་འཁྲུལ།། གསང་སྔགས་ཀུན་གྱི་གསང་བ
iiif viewer powered by OpenSeadragon
