| e-texts navigator |
| Wylie |
207b1 འགྱུར།། བྱ་བ་བཏང་བའི་རྣལ་འབྱོར་མི་སྤངས་དེ་བཞིན་གཤེགས།། ཡང་དག་སངས་རྒྱས་ལམ་ནི་དེ་བཞིན་ཀུན་ལ་ཤེས་པར་བྱ།། ཀྱེ་མ་འདུས་པའི་འཁོར་ཚོགས་ཉོན།། ང་མེད་པ་ཡི་སྔོན་རོལ་ན།། སངས་རྒྱས
207b2 སེམས་ཅན་གཉིས་མེད་དོ།། ལམ་དང་གྲུབ་པ་ག་ལ་ཡོད།། ང་ལས་མ་བྱུང་གང་ཡང་མེད།། ང་ནི་སྟོང་པ་ཆེན་པོའོ།། ང་ལས་འབྱུང་བ་རྣམ་ལྔ་བསྐྱེད།། ང་ནི་འབྱུང་བ་རག་ཆེན་པོའོ།། ང་ནི་སངས་རྒྱས་ཀུན་གྱི
207b3 མེས།། ང་མེད་པ་ཡི་སྔོན་རོལ་ན།། སངས་རྒྱས་བྱ་བའི་མིང་ཡང་མེད།། ང་ནི་ཐབས་ཀྱི་ཕ་རོལ་ཕྱིན།། ང་ལ་མཚན་མའི་ཆོས་མེད་པས།། ང་ཡི་སེམས་ལ་གཡོ་བ་མེད།། ང་ནི་སངས་རྒྱས་ཀུན་གྱི་དུར།། འགྱུར་མེད
207b4 དུར་ས་ང་ལ་ཡོད།། ང་ནི་སེམས་ཅན་ཀུན་གྱི་གནས།། བག་ཆགས་ལུས་ལྟར་སྣང་བའོ།། ང་ནི་འབྱེད་མེད་ཤེས་རབ་བོ།། ང་ལ་ཕྱི་ནང་གསང་བ་རྫོགས།། ང་ནི་རྡོ་རྗེ་སྙིང་པོའི་སྐུ།། ང་ལས་སངས་རྒྱས་བསྐྱེད
207b5 པའོ།། ང་ནི་སྐྱེ་མེད་རིག་པའི་དོན།། ང་ནི་དངོས་པོའི་ཆོས་དང་བྲལ།། ང་ལ་མཚན་མ་མེད་པའི་ཕྱིར།། ང་ནི་སེམས་ཅན་དུར་ནས་འདོན།། ང་ལ་ཐུགས་རྗེ་འཆར་བའི་ཕྱིར།། ང་ནི་སྟོང་པའི་ཚིག་ལས་འདས།།
207b6 ལས་གསལ་ཆ་བྱུང་བའི་ཕྱིར།། ང་ནི་མུན་པར་སྣང་བར་འགྱུར།། སྒྲོན་མ་རྣམ་གཉིས་ཡོད་པའི་ཕྱིར།། ང་ནི་ཕྱོགས་སུ་མ་ལྷུང་དེ།། ང་ལ་འཛིན་པ་མེད་པའི་ཕྱིར།། ཨེ་མ་གསང་བདག་རྡོ་རྗེ་འཛིན།། ལེགས་པར
iiif viewer powered by OpenSeadragon
