| e-texts navigator |
| Wylie |
206b1 བར་དོ་ལ་འཁྲུལ་ལུགས་རྒྱས་པར་བསྟན་པའོ།། དེ་ཡང་ཡེ་ཤེས་ཀྱི་ཁྱད་པར་གྱིས་སྣང་བ་རེ་རེ་འཆར་རོ།། དེ་ཡང་བར་དོ་གསུམ་པའོ།། གཞི་ལྷུན་གྲུབ་ལ་ངེས་པ་རྙེད་པའོ།། ཀ་དག་གི་སར་ཕ་རོལ་ཏུ་ཕྱིན་པ
206b2 འཐོབ་པའོ།། དེའི་ཕྱིར་ན་འབྱུང་བ་མ་ལ་ཐིམ་པ་ཞེས་བྱའོ།། ཞེས་རིག་པ་རང་ཤར་ཆེན་པོའི་རྒྱུད་ལས། བར་དོ་ལ་འཁྲུལ་ལུགས་བསྟན་པའི་ལེའུ་སྟེ་སོ་བཞི་པའོ།། །། དེ་ནས་ཡང་གསང་བའི
206b3 བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཡེ་ཤེས་སྐུ།། བར་དོའི་འཁྲུལ་ལུགས་དེ་ལྟར་ན།། རྫོགས་ཆེན་ཨ་ཏི་ཡོ་ག་ཡི།། ལྟ་བའི་མདོར་བསྡུས་ཅི་ལྟར་ལགས།། དཔའ་བོ་ཆེན་པོས་བཀའ་སྩོལ
206b4 ཅིག། ཅེས་ཞུས་སོ།། དེ་ནས་ཡང་བཀའ་སྩལ་པ། ཨ་ཧོ་གསང་བའི་བདག་པོ་ཉོན།། ངས་བསྟན་མ་ཡེངས་ཚུལ་གྱིས་ཉོན།། རྡོ་རྗེ་རང་ཉིད་མི་འགྱུར་གནས།། རྟོག་པ་མེད་པ་ཆོས་ཀྱི་སྐུ།། མཚན་མ་མེད་པ་རང་སར
206b5 གྲོལ།། འགྱུར་མེད་ཨ་ཏིའི་ངོ་བོ་ལ།། བྱ་དང་བྱེད་པ་ཆོས་མེད་དོ།། ཨ་ཏི་རྫོགས་པ་ཆེན་པོ་ལ།། གཅིག་རྫོགས་གཉིས་རྫོགས་ཐམས་ཅད་རྫོགས།། རྫོགས་ཆེན་ཨ་ཏིའི་ངོ་བོ་ལ།། ཕྱི་ནང་གསང་བའི་ཆོས་རྣམས
206b6 རྫོགས།། དགེ་བ་བྱར་མེད་སྡིག་པ་སྤང་དུ་མེད།། དགེ་སྡིག་གཉིས་དང་བྲལ་བའི་རིག་པ་ཆོས་ཀྱི་སྐུ།། དགེ་བ་མི་བྱ་བྱས་ནས་སངས་རྒྱས་མེད།། སྡིག་པ་མི་སྤང་སྤངས་ན་སངས་རྒྱས་འགྲུབ་མི་འགྱུར།། ཁམས
iiif viewer powered by OpenSeadragon
