| e-texts navigator |
| Wylie |
205a1 དུ་གསལ།། རྟོག་མེད་རང་སང་ངོ་བོ་ལ།། འཛིན་པའི་རྟོག་པ་ག་ལ་ཡོད།། འཛིན་རྟོག་མེད་པའི་ཆོས་ཉིད་ནི།། འཛིན་དང་ཆགས་པ་མེད་པས་སྟོང་།། རང་བྱུང་རིག་པའི་སྒྲོན་མ་ལ།། སེམས་དང་ཡིད
205a2 ལ་སོགས་པ་ཡི།། རྣམ་རྟོག་མཚན་མ་ངང་གིས་མེད།། མཚན་མ་མེད་པའི་ཆོས་ཉིད་ནི།། བྱ་བའི་ཕྱོགས་སུ་མ་ལྷུང་བའོ།། འཛིན་པ་མེད་པའི་ཆོས་ཉིད་ནི།། བློ་ཡི་ཕྱོགས་སུ་མ་ལྷུང་བའོ།། རྣམ་དག་བརྗོད་མེད་ཡེ
205a3 ཤེས་ནི།། དྲི་མ་ཕྱོགས་སུ་མ་ལྷུང་བའོ།། སྟོང་པ་ཀུན་ཁྱབ་རྡོ་རྗེ་ནི།། དངོས་པོའི་ཕྱོགས་སུ་མ་ལྷུང་བའོ།། རང་གསལ་བདེ་ཆེན་ཆོས་ཉིད་ནི།། གཞན་འབྱང་ཕྱོགས་སུ་མ་ལྷུང་བའོ།། འཛིན་པ་མེད་པའི་ཆོས་ཉིད་བྱང
205a4 ཆུབ་སེམས།། རྟོག་པ་མེད་པས་རང་གསལ་བདེ་བའི་ཤུགས།། རྟོག་པ་མེད་པས་མཉམ་ཉིད་སྐུ་ཡི་རྒྱ།། ཡེ་ཤེས་རྣམ་དག་དོན་ལ་ཚིག་གིས་བཅོས་སུ་མེད།། འཛིན་མེད་རང་སྣང་ཆོས་ལ་འཛིན་པའི་དངོས་པོ
205a5 མེད།། རིག་པ་སྐྱེ་མེད་དང་ལ་བསྐྱེད་བྱ་སྐྱེད་བྱེད་མེད།། ཆོས་ཉིད་སྐྱེ་བ་མེད་པ་རང་བྱུང་རིག་པ་ཉིད།། ཆོས་ཀྱི་སྙིང་པོར་གྱུར་བ་སྒྲོན་མ་རྣམ་པ་གཉིས།། འཛིན་དང་ཞེན་པའི་ཆོས་ལས་འདས།། འཛིན་མེད་རང
205a6 སངས་ངོ་བོ་ལ།། འཛིན་པའི་བསམ་པ་ངང་གིས་མེད།། ཡེ་ཤེས་བསྐྱེད་པའི་སངས་རྒྱས་ལ།། ཆོས་ཀྱི་བསམ་པ་མེད་པའོ།། སངས་རྒྱས་དང་ནི་སེམས་ཅན་གཉིས།། དབྱེར་མེད་གཅིག་གི་རང་བཞིན་ནོ།། རིག་པའི
iiif viewer powered by OpenSeadragon
