| e-texts navigator |
| Wylie |
204b1 ལྟ་བུའོ།། མཐའ་གྲོལ་ལ་མཐའ་གྲོལ་ཐིམ་པ་ནི། དཔེར་ན་ནམ་མཁའ་ལ་ནམ་མཁའ་ཐིམ་པ་ལྟ་བུའོ།། དག་པ་ཡེ་ཤེས་ཀྱི་སྒོ་ངོ་བོ་ཀ་དག་ལ་ཐིམ་པ་ནི། དཔེར་ན་སེང་གེས་གངས་ཟིན་པ་ལྟ་བུའོ།། མ་དག་པ
204b2 འཁོར་བའི་སྒོ་དག་པ་ཡེ་ཤེས་ཀྱི་སྒོ་ལ་ཐིམ་པ་ནི། དཔེར་ན་སྒྲའི་ཚོན་ཐག་བསྡུས་པ་ལྟ་བུའོ།། དེ་མར་དཔེས་དོན་ཆེན་མཚོན་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། མཚོན་པ་དཔེའི་ལེའུ་སྟེ་སུམ་ཅུ་སོ
204b3 གཉིས་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ།། རིགས་པའི་མཚོན་དཔེ་དེ་ལྟར་ལགས་ན། དུས་མེད
204b4 ཤར་བའི་ཡེ་ཤེས་ལ། འཛིན་པ་ཡོད་མེད་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཨ་ཧོ་གསང་བདག་ཆེན་པོ་ཉོན།། ངས་བསྟན་ལེགས་པར་ཡིད་ལ་ཟུང་།། འཛིན་མེད་སྐྱེ་མེད་རང
204b5 སར་གྲོལ།། རྟོག་མེད་མཉམ་ཉིད་ཆོས་ཀྱི་སྐུ།། བཟུང་བས་མི་ཟིན་ཆུ་ཟླ་འདྲ།། དཔེར་ན་སྦྲུལ་གྱི་མདུད་པ་བཞིན།། རང་བྱུང་རང་གྲོལ་ཆེན་པོའོ།། འཛིན་མེད་རྡོ་རྗེ་སྙིང་པོའི་སྐུ།། རྐྱེན་གྱིས་མི་འཇིག་སྲ་མཁྲེགས
204b6 ལྡན།། འཛིན་པ་རང་སར་གྲོལ་བ་ནི།། ཡིད་མ་འགྱུས་པའི་ནམ་མཁའ་ལ།། གསལ་དང་ས་འོད་ཀྱི་ཐིག་ལེ་ལྔ།། དུས་དང་རྣམ་པ་ཐམས་ཅད་གསལ།། མ་འདྲེས་རྫོགས་པའི་ཚོམ་བུ་ལྔ།། མ་བསྐྱེད་རྫོགས་པའི་ཚུལ
iiif viewer powered by OpenSeadragon
