| e-texts navigator |
| Wylie |
204a1 ཏེ།། དཔེར་ན་བུམ་པའི་སྐུ་ལྟ་བུའོ།། ལམ་ནི་རྩ་བཞི་ནས་བྱུང་སྟེ།། དཔེར་ན་མུ་ཏིག་གི་ཕྲེང་བ་ལྟ་བུའོ།། འཁྱིལ་ནི་དུང་ཁང་དཀར་པོའི་ནང་དུ་འཁྱིལ་ཏེ། དཔེར་ན་བུམ་ནང་གི་མར་མེ་ལྟ་བུའོ།། སྒོ
204a2 ནི་མིག་ནས་འབྱུང་སྟེ། ཐིག་ལེ་སྟོང་པའི་སྒྲོན་མ་ནི། དཔེར་ན་རྨ་བྱའི་མདོངས་ལྟ་བུའོ།། དབྱིངས་རིག་པའི་སྒྲོན་མ་ནི། དཔེར་ན་ཡི་གེ་ན་རོ་ལྟ་བུའོ།། ཡུལ་ནི་ནམ་མཁའ་སྟོང་པའོ།། དུས་ནི་བར་དོའི་སྣང
204a3 བའོ།། དཔེར་ན་མེ་ལོང་གི་དཀྱིལ་འཁོར་ལྟ་བུའོ།། འགྲོས་ནི་རིན་པོ་ཆེའི་ལུས་ཏེ།། དཔེར་ན་ཁ་བྲག་གི་ལམ་ལྟ་བུའོ།། གྲོལ་ས་ནི་ཀ་དག་གི་སྣང་བ་སྟེ། དཔེར་ན་བུམ་པའི་སྐུ་ལྟ་བུའོ།། དེ་ནས་ཡང་ཞུས་པ། ཀྱེ
204a4 ཀྱེ་ཐུགས་རྗེ་ཆེན་པོ་དང་ལྡན་པ། ཡེ་ཤེས་ཀྱི་ཐིམ་ཚུལ་མཚོན་དཔེ་གསུང་དུ་གསོལ། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་གྲོགས་པོ་དག། ལྷུན་གྲུབ་ཀྱི་སྣང་བ་ལ། རང་གི་དེ་ཉིད་སྟོབས་སུ་གྱུར་ནས
204a5 བདེན་པ་མཐོང་བའི་ཚེ།། ཐིམ་ལུགས་བརྒྱད་ངོ་ཤེས་པར་བྱའོ།། དེ་ཡང་ཐུགས་རྗེ་ལ་ཐུགས་རྗེ་ཐིམ་པ་དཔེར་ན་ཉི་མ་ནུབ་པའི་ཟེར་ལྟ་བུའོ།། ཡེ་ཤེས་ལ་ཡེ་ཤེས་ཐིམ་པ་ནི།། དཔེར་ན་མ་པང་དུ་བུ་འཇུག་པ་ལྟ
204a6 བུའོ།། འོད་ལ་འོད་ཐིམ་པ་ནི། དཔེར་ན་འཇའ་ཚོན་ནམ་མཁའ་ལ་ཡལ་བ་ལྟ་བུའོ།། སྐུ་ལ་སྐུ་ཐིམ་པ་ནི།། དཔེར་ན་བུམ་པའི་སྐུ་ལྟ་བུའོ།། གཉིས་མེད་ལ་གཉིས་མེད་ཐིམ་པ་ནི། དཔེར་ན་ཆུ་བོ་ལ་ཆུ་བོ་ཐིམ་པ
iiif viewer powered by OpenSeadragon
