| e-texts navigator |
| Wylie |
201b1 པར་གྱིས་ཤིག། དེ་ལྟར་ཉམས་སུ་ལོངས་ནས་ཡེ་ཤེས་ཀྱི་སྣང་བ་ཐོགས་པ་མེད་པར་འཆར་རོ།། དེའི་ཕྱིར་ན་ཡེ་ཤེས་ཀྱི་སྣང་བ་ལ་རྟག་ཏུ་གོམས་པར་བྱའོ།། རང་རང་གི་བདེན་པ་མཐོང་བར་བྱའོ།། རང་རང་གིས
201b2 རིག་པའི་དྲོད་སྐྱེས་པའི་ཚད་ཟིན་པར་བྱའོ།། མཚོན་པའི་ཡེ་ཤེས་ཤེས་པར་གྱིས་ཤིག་ཅེས་རིག་པ་རང་ཤར་ཆེན་པོའི་རྒྱུད་ལས། གཞིའི་གནས་ལུགས་བསྟན་པའི་ལེའུ་སྟེ་སུམ་ཅུ་པའོ།། །། དེ
201b3 ནས་ཡང་གསང་བའི་བདག་པོ་དང་མི་དང་མི་མ་ཡིན་གྱི་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་མ་ཧོ། སྟོན་པ་ཆེན་པོ་བདག་ཅག་མོས་པའི་འཁོར་རྣམས་ལ། གཞིའི་གནས་ལུགས་དེ་ལྟར་ལགས་ན། རང
201b4 གིས་རྟོགས་ཚུལ་ཅི་ལྟར་ལགས།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་མོས་པའི་འཁོར་རྣམས་ཉོན་ཅིག་དོན་ཆེན་པོ་ངས་བསྟན་གྱིས། གུས་པ་དང་བཅས་པའི་སེམས་ཀྱིས་ཉོན་ཅིག་དེ་ཡང་རྟོགས
201b5 པ་ལ་སོ་སོ་ཐ་དད་པ་ལྟར་སྣང་ངོ་།། རྟོགས་པ་དང་མ་རྟོགས་པ་གཉིས་ཀྱིས་ཁོང་ན་ཐམས་ཅད་ཡོད་དོ།། སྟོན་པ་ཆོས་ཀྱི་རྗེས་ཚིགས་སུ་བཅད་དེ་བཀའ་སྩལ་པ། ཨེ་མ་ཧོ། ནོར་བུ་རིན་ཆེན་བདུད་རྩི་འདི།། བཙལ
201b6 བས་རྙེད་པའི་ཐབས་མེད་དེ།། ཀུན་གྱི་ཙིཏྟའི་དཀྱིལ་འཁོར་ན།། འགག་མེད་ཚུལ་གྱིས་འོད་ལྔར་གསལ།། འགྱུར་མེད་དོན་གྱི་སྐུ་ལྔ་གནས།། ཁྱབ་བརྡ་ལ་དྷཱ་ཏུ་ལས་ཡེ་ཤེས་བྱུང་བར་བསྟན་པ་དང་རིག་པ་དང་དྷཱ་ཏུ་འདུ་འབྲལ
iiif viewer powered by OpenSeadragon
