| e-texts navigator |
| Wylie |
199b1 མེད་པ་བྱུང་ངོ་།། དེ་ལ་སོགས་པ་དཔག་ཏུ་མེད་པར་འཁྲུལ་ལོ།། དེ་ནི་འཁྲུལ་གཞི་མེད་པ་ལས་བྱུང་བའི་ཕྱིར་ན་སྲིད་པ་ཞེས་བྱ་བ་ཆགས་སོ།། སེམས་ཅན་གྱི་གཟུགས་བསམ་གྱིས་མི་ཁྱབ་པ་ཆགས་སོ།། འཁྲུལ
199b2 པའི་ལམ་དང་བསམ་པ་ཡང་། ཅི་ལྟར་བསམ་པའི་རྟོག་པ་ལྟར་རྟོག་པ་བྱུང་ངོ་།། ཞེས་རིག་པ་རང་ཤར་ཆེན་པོའི་རྒྱུད་ལས། དང་པོའི་འཁྲུལ་གཞི་བསྟན་པའི་ལེའུ་སྟེ་ཉི་ཤུ་རྩ་བརྒྱད་པའོ།། །། དེ
199b3 ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ད་ལྟའི་སྐུ།། དང་པོའི་འཁྲུལ་ལུགས་དེ་ལྟར་ན།། སེམས་ཅན་བློ་ལ་ཅི་ལྟར་གནས།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ
199b4 མ་གསང་བའི་བདག་པོ་ཉོན།། ཡང་དག་སངས་རྒྱས་དགོངས་པ་ནི།། སེམས་ཅན་ཀུན་གྱི་རང་རྒྱུད་ལ།། སྐུ་དང་ཡེ་ཤེས་ཚུལ་དུ་གནས།། དེ་ཡང་ཙིཏྟའི་དཀྱིལ་ན་ནི།། ཉུང་འབྲུའམ་ནི་ཏིལ་འབྲུ་ཙམ།། མ་བསྐྱེད
199b5 རྫོགས་པའི་ཚུལ་དུ་གནས།། ཙིཏྟའི་སྒོ་བཞི་མ་འགགས་གསལ།། རྣམ་པར་འཆར་བ་བྱེད་པ་དང་།། རྣམ་པར་ནུབ་པར་བྱེད་པ་དང་།། སྐད་ཅིག་འཆར་བར་བྱེད་པ་དང་།། སྐད་ཅིག་ནུབ་པར་བྱེད་པའོ།། དེ་ཡང
199b6 མཚན་བརྗོད་འདི་ལྟ་སྟེ།། ཀ་ཏི་གསེར་གྱི་རྩ་ཆེན་དང་།། ཤེལ་གྱི་སྦུ་གུ་ཁོང་པ་སྟོང་།། དར་དཀར་སྣལ་མ་ཕྲ་ལ་འཁྲིལ།། སྟོང་པ་རང་གྲོལ་རྩ་ཆེན་པོ།། དེ་ཡང་སྒོ་བཞི་རང་སྣང་རྩ།། དེ་ནས་ལམ་བྱུང་ཨ་བ་དྷ་ཏིའི
iiif viewer powered by OpenSeadragon
