| e-texts navigator |
| Wylie |
199a1 ཤས་ཆེར་བུང་བས་འཕྲུལ་གཞི་སྔ་བར་བྱུང་ངོ་།། དེ་ལས་ཉོན་མོངས་པའི་ཚོགས་བསམ་གྱིས་མི་ཁྱབ་པ་བྱུང་སྟེ་ཡུལ་མེད་པ་ལ་ཡུལ་དུ་བཟང་ནས་འཕྲུལ་ལོ།། མིའི་མིང་ནི་རྒན་མོའི་ལིང་ཏོག་ཅན་ཞེས་བྱ་བ་འཁྲུལ་ལོ།། དེ་ཡང་མ་རིག་པ་དངོས
199a2 སུ་སྣང་བ་ལས་འཁྲུལ་པ་དྲུག་བྱུང་སྟེ་དེ་ལས་ཡེ་ཤེས་ཀྱི་ཆ་ཤས་ཕྲ་བ་གཅིག་བྱུང་སྟེ་ཡུལ་ལ་སྣང་བ་ལས་ལམ་ལ་ཟག་རིང་བ་ལྟར་སྣང་བ་ཡིན་ནོ།། དུས་མ་ངེས་པ་ལས་འཁྲུལ་ལོ།། དེ་ཡང་རང་བཞིན་མ་ངེས་པ་ངོ་བོ་མི་འགྱུར་བ་ཡུལ་ཀུན་ལ་འཇུག་པ་ཡེ་ཤེས་རང་ལ་ཤར
199a3 པ་མ་ཤེས་ནས་ཀུན་དུ་འཕྲུལ་ལོ།། གྲོགས་ནི་མི་བཞིས་བྱས་སོ།། དེ་ལ་རྐྱེན་བཞི་བྱུང་བས་འཁྲུལ་པ་ཡུལ་གྱི་ཕ་མ་ཞེས་བྱ་སྟེ་མ་རིག་པ་དངོས་ནི་བདག་པོའི་རྐྱེན། དེའི་ཆུ་རང་ལ་ཡོད་པས་ཆུའི་གྱེན། ཡུལ་གཞན་ལ་རྟོག་པས་དམིགས་པའི་རྐྱེན། དེ་མ་ཟག་པའི་རྐྱེན་ཏེ་འཁྲུལ་པ
199a4 བརྒྱད་དུ་བྱུང་ངོ་།། དེ་ནས་མི་རྒོད་ལྔ་བྱུང་ངོ་།། དེ་ལས་ཉོན་མོངས་ལྔ་བྱུང་སྟེ་འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་བྱུང་སྟེ་འཁྲུལ་པ་དགུ་བྱུང་ངོ་།། རྒྱབ་བརྟེན་པ་མི་གཅིག་བྱུང་ངོ་།། དེ་ཡང་འཁོར་བ་ཞེས་བྱ་བ་ཡུལ་ལ་མངོན་པར་སྣང་བ་དགའ་བ་དང
199a5 མི་དགའ་བའི་སེམས་བསམ་པ་སྣ་ཚོགས་པ་བྱུང་ངོ་།། བདེ་བ་དང་སྡུག་བསྔལ་བ་ཡང་བྱུང་ངོ་།། དེ་ནས་རྐུན་མ་མི་གཅིག་བྱུང་ངོ་།། དེ་ནི་ཁོང་ཁྲོ་ཞེས་བྱ་སྟེ་ཡུལ་དང་ཤེས་པ་ལྷན་ཅིག་ཏུ་གནས་པ་བྱུང་ནས་ལམ་དུ་ཡེ་ཤེས་མ་གསལ་ལོ།། དེ་ཐམས་ཅད་བསགས
199a6 པས་མི་གཅིག་བྱུང་ངོ་།། དེ་ཐམས་ཅད་འདུས་པ་ཞེས་བྱ་སྟེ། མ་རིག་པ་དང་མཚུངས་པར་ལྡན་པའི་ཡིད་ཅེས་བྱ་བ་གཅིག་བྱུང་ནས་ཡེ་ཤེས་ལམ་དུ་སྒྲིབ་སྟེ་དེ་ཡུལ་ལ་འཆར་དུ་མ་སྟེར་ནས་ང་དང་བདག་ཏུ་བཟུང་ངོ་།། དེ་ལ་སོགས་པ་དམག་གི་ཚོགས་དཔག་ཏུ
iiif viewer powered by OpenSeadragon
