| e-texts navigator |
| Wylie |
198b1 ཡང་སྣང་བ། གང་ཡང་ཐོགས་པ་མེད་པ། རང་བཞིན་མ་ངེས་པ། ངོ་བོ་མི་འགྱུར་བ། ངང་གིས་མ་གཡོས་པ། ཡེ་ཤེས་ཀྱི་འོད་གསལ་བ། འོད་དེ་ཡང་ཀུན་ལ་སྣང་ཞིང་དོན་བྱེད་ནུས་པ། བདག་དང་བདག་གིས་སྟོང་པ། སྟོང་པ་ཉིད་མི་འགྱུར་བའི་ཆོས་ཅན་གསལ་ལ་མ་ངེས་པ། དེ་ཡང
198b2 སྐད་ཅིག་མ་ཛེས་པ་ལས་འགྱུར་བ་མེད་པ་དོན་གྱི་སྙིང་པོ་ཚིག་ལས་འདས་པའོ།། གཞི་ཐོག་ནས་འཁྲུལ་ལུགས་ནི། ཡུལ་ཡངས་པ་ཅན་ཞེས་བྱ་བ་ནས་འཁྲུལ་ལོ།། གནས་དཅིའི་ཕྱིར་ཞེ་ན། སེམས་ཅན་ལ་དབང་པོ་ཅ་ཤུ་རྩ་གཅིག་མེད་པའི་ཕྱིར་རོ།
198b3 ཡང་ངོ་བོ་ལ་འགྱུར་བ་མེད་དོ།། རང་བཞིན་མ་ངེས་སོ།། ང་བོ་ནི་ཀ་དག་གི་ཡེ་ཤེས་སོ།། ཐུགས་རྗེའི་སྣང་བ་སྣ་ཚོགས་འཆར་བའོ།། མཛེས་ལྡན་ཞེས་བྱ་བ་ནས་འཁྲུལ་ལོ།། དུས་ནམ་སྲོས་པ་ན་འཁྲུལ་ལོ།། དེ་ཡང་ལ་ལ་ཉམས་ལས་འཕྲུལ། ལ་ལ་སྐམ་ཟེར
198b4 ལས་འཁྲུལ། ལ་ལ་དེ་མ་ཟག་པ་ལས་འཁྲུལ།། ལ་ལ་སྣང་བ་ལས་འཁྲུལ། དེ་བཞིན་དུ་ཉི་ཤུ་རྩ་གཅིག་ཏུ་ཤེས་པར་བྱའོ།། ལོ་ཕག་གི་ལོ་ལ་འཁྲུལ་ལོ། དེ་ཡང་གཏི་མུག་ལས་མ་རིག་པའི་རྒྱུ་ལངས་ཏེ་ཕ་གི་དང་ངའི་ཤེས་པ་བྱུང་བ་ཡུལ་དུ་བཟུང་ནས་བདག་གི་ཡིན་སྙམ་པ
198b5 ཙམ་ལས་ཀྱུ་རྩ་བའི་མ་རིག་པ་ལངས་པ་ཞེས་བྱ་བ་སྟེ་དེ་ཡང་ཞལ་ཕྲལ་ཅན་གྱི་དབང་དུ་བྱས་ན་ཡུལ་གཟུང་བ་དང་བློའི་ཤེས་པ་མཉམ་དུ་ལངས་པ་ལ་ཐར་བཟུང་ནས་རྩེ་བ་ལ་དང་ཟའི་རྟོག་པ་བྱུང་ངོ་།། ཉི་མ་སྦྲུལ་གྱི་ཉི་མ་ལ་འཁྲུལ་ལོ།། དེ་ཡང་ཞེ་སྡང་ལས་མ་རིག་པ
198b6 གནས་ཙམ་དུ་བྱུང་ནས་སེམས་ཅན་ཐམས་ཅད་ཀྱང་ངའི་སྙམ་པའི་རང་གི་ཤེས་པ་བཟུང་ནས་སྐད་ཅིག་གིས་ཉོན་མོངས་པ་ཡུལ་ལ་སྣང་བས་ཡུལ་དང་དབང་པོ་སྣོད་དུ་རུང་བའི་ཤེས་པར་འཁྲུལ་པས་མ་རིག་པའོ། སྐར་མ་བྱ་ལ་འཁྲུལ་ལོ།། དེ་ཡང་ཉོན་མོངས་པ་འདོད་ཆགས
iiif viewer powered by OpenSeadragon
