| e-texts navigator |
| Wylie |
198a1 མ།། བསྐུམ་དུ་སྐམ་བྱེད་གཉིས་དང་བྲལ།། འཛིན་པ་མེད་པའི་རང་བྲལ་ནི།། དཔེར་ན་སྦྲུལ་གྱི་མདུད་པ་བཞིན།། རང་གྲོལ་རང་སངས་ཟིན་པའོ།། དེ་བཞིན་མཚན་མའི་བསམ་པ་རྣམས།
198a2 གྲོལ་རང་སངས་ཆེན་པའོ།། རྫོགས་ཆེན་ཡ་ཏིའི་ཐེག་པ་ལ།། རེ་དང་དོགས་པ་ག་ལ་ཡོད།། རེ་དོགས་ཡོད་ན་ལྟུང་བའི་ཀླུ།། དེ་བཞིན་ཉིད་དེ་རང་གྲོལ་ལོ།། དེ་ན་མཚན་མར་སྣང་བ་ཡང་།། རང་ལས་བླང་ཞིང་རང
198a3 ལ་ཐིམ།། དེ་བཞིན་རྫོགས་ཆེན་ཨ་ཏི་ལ།། བསྒྲུབ་མེད་སྒྲུབ་དང་བྲལ་བའོ།། བྱས་མེད་བླང་བ་མེད་པའོ།། འགག་མེད་ཁྱབ་གདལ་འབ་ཆུབ་པོ།། འགྱུར་མེད་ཀློང་ཡངས་ཆེན་པོའོ།། ཆོས་མེད་སངས་རྒྱས་མེད
198a4 པའོ།། གནས་མེད་ཡེ་ཤེས་མེད་པའོ།། སེམས་མེད་མེད་མེད་སངས་རྒྱས་མེད་པའོ།། ཞེས་རིག་པ་རང་ཤར་ཆེན་པོའི་རྒུད་ལས། ཐེག་པ་རིམ་དགུའི་དབྱེ་བ་བསྟན་པའི་ལེའུ་སྟེ་ཅི་ཤུ་རྩ་བདུན
198a5 པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐམས་ཅད་མཁྱེན།། རིམ་དགུའི་གྲུབ་མཐའ་དེ་ལྟར་ན།། ཁམས་གསུམ་འཁོར་བའི་སེམས་ཅན་གྱི།། དང
198a6 པོའི་འཁྲུལ་ཚུལ་ཅི་ལྟར་ལགས།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་གྲོགས་པོ་དག། ཡང་དག་པའི་སངས་རྒྱས་ལ་འཁྲུལ་པ་མི་མངའ་ཡང་། རྡོ་རྗེ་སེམས་དཔའ་དང་པ་གཞིགས་བྱ་བ་ངེས་བཟད་@
iiif viewer powered by OpenSeadragon
