| e-texts navigator |
| Wylie |
197b1 གནས།། མདོར་བསྡུས་དབྱིངས་དང་ཡེ་ཤེས་སོ།། ལུང་ཆེན་ཨ་ནུའི་གྲུབ་མཐའ་འོ།། དེ་ནས་ཡང་ཞུས་པས། ཀྱེ་ཀྱེ་བཅོམ་ལྡན་ཡེ་ཤེས་སྐུ།། ཨ་ནུའི་ཐེག་པ་དེ་ལྟར་ན།། རྫོགས་ཆེན་ཨ་ཏི་ཡོ་ག་ཡི།། ལྟ་བ་ཕྱིན་ཅི
197b2 མ་ལོག་པ།། ཐེག་པ་མདོར་བསྡུས་གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ།། ཀྱེ་མ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། རྫོགས་ཆེན་ཨ་ཏི་ཡོ་ག་ལྟ་བ་བྱིན་ཅི་མ་ལོག
197b3 གལ།། གཅིག་མ་རིག་པ་མེད། རྫོགས་གཉིས་རིག་པའི་སྒྲ། རྫོགས་ཐམས་ཅད་ཆོས་ཀྱི་དབྱིངས་རྫོགས།། གཅིག་སྔོན་མ་བྱུང་གཉིས་ཤེས་རབ། བྱུང་ཐམས་ཅད་ཡེ་ཤེས་བྱུང་། གཅིག་སྟོང་ཅིད་སྐྱེས་གཉིས་དབྱིངས་དང་ཡེ་ཤེས་སྐྱེས་ཐམས
197b4 ཅད་འོད་ཀྱི་སྒྲ་རྣམ་པར་དག་པ། སྐྱེས།། གཅིག་མ་རིག་པ་མེད་གཉིས་སེམས་དང་ཡིད། མེད་ཐམས་ཅད་ཉོན་མོངས་པ་མེད།། དེ་བཞིན་རྫོགས་ཆེན་ཨ་ཏི་ལ།། བྱས་པའི་ཆོས་ནི་ཀ་ནས་མེད།། བྱ་དང་བྱེད་པ་མེད་པའོ།། རྫོགས་པ
197b5 ཆེན་པོའི་དོན་ཉིད་ལ།། དམ་ཚིག་བསྲུང་རྒྱུ་མེད་པས་ཡེ་ནས་བསྲུངས་དང་བྲལ།། མེད་པ་ཕྱལ་པ་ལྷུན་གྲུབ་གཅིག་པུ་ཉིད།། གསང་སྔགས་ཀུན་གྱི་དགོངས་པ་ཆེན་པོ་ཡིན།། རྫོགས་ཆེན་ཨ་ཏི་ཡོ་ག་འདི།། དཔེར
197b6 ན་གཅན་གཟན་སེང་གེ་བཞིན།། གསང་བ་ཨ་ཏི་ཡོ་ག་ནི།། རང་རིག་གཏན་ལ་འབེབ་ཅིང་ཐེག་དམན་ཟིལ་གྱིས་གནོན།། རང་བྱུང་རང་ལ་ཐིམ་ཞིང་སྐུ་གསུམ་དོན།། སྐྱེ་མེད་དབྱིངས་ལས་བསྒོམ་མེད་ཆེན་པོ
iiif viewer powered by OpenSeadragon
