| e-texts navigator |
| Wylie |
197a1 གསུམ་འདི་ལྟ་སྟེ།། སྐུ་ཡི་སྒོ་ནས་སྲོག་གཅོད་སྤང་བར་བྱ།། མ་ཕྱིན་ལེན་དང་མི་ཚངས་སྤྱོད་པ་སྤང་།། གསུང་གི་སྒོ་ནས་རྫུན་དང་ཕྲ་མ་སྤང་།། ཚིག་རྩུབ་དང་ནི་དེ་བཞིན་ངག་འཁྱལ་སྤང་།། ཐུགས
197a2 ཀྱི་སྒོ་ནས་བརྣབ་སེམས་གནོད་སེམས་དང་།། ལོག་པར་ལྟ་བ་སྤང་བར་བྱ།། ཐབས་དང་ཤེས་རབ་འདུ་འབྲལ་མེད་པར་རྟོགས།། མ་ཧཱའི་གྲུབ་མཐའ་དེ་བཞིན་འདོད།། དེ་ནས་ཡང་གསང་བའི་བདག་པོ་རྡོ་རྗེ་འཛིན
197a3 པ་ཆེན་པོ་དེས། འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས་པའི་སྐུ།། མ་ཧཱའི་གྲུབ་མཐའ་དེ་ལྟར་ན།། ཨ་ནུའི་གྲུབ་མཐའ་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་རྡོ་རྗེ
197a4 འཛིན་པ་ཉོན།། ལུང་ཆེན་ཨ་ནུའི་ཐེག་པ་ནི། དབྱིངས་དང་ཡེ་ཤེས་རྣམ་པ་གཉིས།། འདུ་འབྲལ་མེད་པའི་རྡོ་རྗེར་འདོད།། འཇུག་པའི་སྒོ་ནི་ཅིག་ཅར་རིམ་གྱིས་སོ།། རྟོགས་པའི་ལྟ་བ་འདུ་འབྲལ་མེད་པའོ།། ཅིག
197a5 ཆར་འཇུག་པ་གང་ཞེ་ན།། ལྷ་རྣམས་མ་བསྐྱེད་སྙིང་པོ་དྲན་པས་རྫོགས།། རིམ་གྱིས་འཇུག་པ་གང་ཞེ་ན།། དབྱིངས་དང་ཡེ་ཤེས་རིམ་ཞུགས་ནས།། རྡོ་རྗེ་འཛིན་པའི་ས་ལ་འབྲས་བུ་ཐོབ།། བསྲུང་བའི་དམ་ཚིག་འདི
197a6 ལྟ་སྟེ།། གསང་སྔགས་དོན་སྟོན་རྟག་ཏུ་བཀུར་བར་བྱ།། གསང་སྔགས་སྟོན་པའི་སློབ་དཔོན་ལ།། ཅི་འབྱོར་པ་ཡི་མཆོད་པ་ཕུལ།། སློབ་དཔོན་དང་ནི་དེ་བཞིན་གཤེགས།། ཁྱད་མེད་གཅིག་གི་ངོ་བོར
iiif viewer powered by OpenSeadragon
