| e-texts navigator |
| Wylie |
196b1 པ།། ཀྱེ་མ་གསང་བའི་བདག་པོ་ངེས་པར་ཟུང་།། མ་ཧཱའི་གྲུབ་མཐའ་འདི་ལྟ་སྟེ།། འཇུག་པའི་སྒོ་ནི་ཏིང་འཛིན་རྣམ་པ་གསུམ།། རྟོགས་པའི་ལྟ་བ་ཅིར་སྣང་ལྷ་དང་ལྷ་མོར་བལྟ།། བསྲུང་བའི་དམ་ཚིག་རྩ་བ་སྐུ
196b2 གསུང་ཐུགས།། འབྲས་བུ་ཐབས་དང་ཤེས་རབ་འདུ་འབྲལ་མེད་པའོ།། ཏིང་འཛིན་རྣམ་གསུམ་འདི་ལྟ་སྟེ།། དེ་བཞིན་ཉིད་ཀྱི་ཏིང་འཛིན་ནི།། རྟོག་མེད་ས་ལེ་སང་ངེའོ།། ཀུན་ཏུ་སྣང་བའི་ཏིང་འཛིན་ནི།། གསལ་ལ
196b3 མ་ཡེངས་ཚུལ་དུ་བསྒོམ།། དེ་བཞིན་རྒྱུ་ཡི་ཏིང་འཛིན་ནི།། ཧཱུཾ་ལས་སེམས་དཔའ་སུམ་བརྩེགས་བསྒོམ།། བདག་ཉིད་དམ་ཚིག་སེམས་དཔའ་ལ།། ཕུན་སུམ་ཚོགས་པ་བཞི་དང་ལྡན།། ཏིང་འཛིན་ཡིག་འབྲུ་སེམས
196b4 དཔའ་ལ།། གསལ་བ་རྣམ་པ་གསུམ་དང་ལྡན།། ཡེ་ཤེས་སེམས་དཔའ་རྣམ་གཉིས་ཏེ།། ཞི་བ་དང་ནི་ཁྲོ་བོའོ།། རྒྱུ་ཡི་ཏིང་འཛིན་འདི་ལྟ་སྟེ།། ཡཾ་རླུང་གི་དཀྱིལ་འཁོར། དང་རཾ་མོའི་དཀྱིལ་འཁོར། དང་ཁཾ་ཆུའི་དཀྱིལ་འཁོར། དང
196b5 @ནི།། ར་རཀྟའི་རྒྱ་མཚོ། དང་སུཾ་གསེར་གྱི་ས་གཞི། དང་ཀོ་ཀེང་རུས་ཀྱི་རི་རབ། དང་ནི། པཾ་པདྨའི་གདན་འདབ་མ་སྟོང་དང་ལྡན། དང་ཨ་དེའི་སྟེང་དུ་ཨ་ལས་ཟླ་བའི་དལ། དང་མ་དོའི་སྟེང་དུ་ཉི་མའི་དལ། དང་ནི།། ཧཱུཾ་ས་ཧ་ར་ན་ཧཱུ~ཾ་གིས་མུར་བསྔའོ། དང
196b6 ཕཊ་སྥ་ར་ཎ་ཕཊ་ཀྱིས་སྤྲོས་སོ།། ལ་སོགས་པའོ།། ཡིག་འབྲུའི་འོད་ཟེར་བསམ་མི་ཁྱབ།། རབ་ཏུ་སྤྲུལ་ནས་ང་གདན་གྱི་སྟེང་དུ་ཡི་དམ་ལྷ། རྒྱལ་ལྡན།། རྣམ་པ་ལྷ་དང་སྟོང་པའོ།། དེ་ནི་ཏིང་འཛིན་གསུམ་དུ་འདོད།། དམ་ཚིག་རྣམ
iiif viewer powered by OpenSeadragon
