| e-texts navigator |
| Wylie |
196a1 ལྟ་སྟེ།། འཇུག་པའི་སྒོ་ནི་མངོན་པར་བྱང་ཆུབ་ལྔ།། རྟོགས་པའི་བལྟ་བ་ལྷ་དང་གྲོགས་པོའི་ཚུལ།། བསྲུང་བའི་དམ་ཚིག་མ་ཁྲེལ་རྣམ་གསུམ་བསྲུང་།། སྤྱོད་པ་དགག་སྒྲུབ་མེད་པའོ།། བྱང་ཆུབ་ལྔ་པོ་འདི
196a2 ལྟ་སྟེ།། གདན་གྱི་སྒོ་ནས་བྱང་ཆུབ་དང་།། ཕྱག་མཚན་སྒོ་ནས་བྱང་ཆུབ་དང་།། སྐུ་ཡི་སྒོ་ནས་བྱང་ཆུབ་དང་།། བསྐྱེད་པའི་སྒོ་ནས་བྱང་ཆུབ་དང་།། ཡིག་འབྲུའི་སྒོ་ནས་བྱང་ཆུབ་པོ།། དེ་ལྟར་བྱང་ཆུབ་ལྔ་པོ་སྤྱོད།། མ
196a3 ཁྲེལ་གསུམ་པོ་གང་ཞེ་ན།། ཡི་དམ་ལྷ་ཡིས་མ་ཁྲེལ་དང་།། སློབ་དཔོན་མཆེད་ཀྱིས་མ་ཁྲེལ་དང་།། རང་གི་སེམས་ཀྱིས་མི་ཁྲེལ་བའོ།། ལྷ་དང་རྣལ་འབྱོར་བདག་ཉིད་ཀྱང་།། སྤུན་དང་གྲོགས་པོའི་ཚུལ་དུ
196a4 འདོད།། ལྷ་ཡི་དཀྱིལ་འཁོར་བདག་དང་གཉིས་མེད་བསྒོམ།། ལྷ་ཡང་བདག་ལས་བྱུང་ཞིང་བདག་ལ་ཐིམ་པར་འདོད།། དེ་ལྟར་བདག་དང་ལྷ་ཡི་འཕྲོ་འདུར་འདོད་པའོ།། དེ་ནས་ཡང་ཞུས་པ།། ཀྱེ་ཀྱེ་བཅོམ་ལྡན་རྡོ
196a5 རྗེ་འཛིན།། ཡོ་གའི་གྲུབ་མཐའ་དེ་ལྟར་ན།། ནང་པའི་ཐེག་པ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བདག་རྡོ་རྗེ་འཛིན།། མ་ཡེངས་ཚུལ་དུ་གུས་པར་ཉོན།། ནང་པ་རྣམ་པ
196a6 གསུམ་དུ་འདོད།། མ་ཧཱ་ཨ་ནུ་ཨ་ཏིའོ།། འདུ་འབྲལ་མེད་པའི་ཚུལ་དུ་འདོད།། ཡང་ཞུས་པ། ཀྱེ་ཀྱེ་བཅོམ་ལྡན་ཡེ་ཤེས་བདག། མ་ཧཱའི་གྲུབ་མཐའ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ
iiif viewer powered by OpenSeadragon
