| e-texts navigator |
| Wylie |
195b1 གསོལ།། དེ་ནས་ཡང་བཀའ་སྩལ་པ། ཀྱེ་ཧོ་གསང་བའི་བདག་པོ་ཉོན།། ཀྲི་ཡའི་ཐེག་པའི་གྲུབ་མཐའ་ནི།། འཇུག་པའི་སྒོ་ནི་དག་པ་གསུམ།། ཁྲུས་དང་གཙང་སྒྲས་འཇུག་པའོ།། བསྲུང་བའི་དམ་ཚིག་འདི་ལྟ
195b2 སྟེ།། ལུང་གཅིག་ཆུ་ལ་མི་བཏུང་ཞིང་།། མ་ཡེངས་དད་ལ་སྤྱོད་པའོ།། བྱ་བ་དག་པ་རྣམ་གསུམ་བྱེད།། དག་པ་རྣམ་གསུམ་གང་ཞེ་ན།། ལྷ་དང་དཀྱིལ་འཁོར་དག་པ་དང་།། རྫས་དང་ཡོ་བྱད་དག་པ་དང་།། སྔགས
195b3 དང་ཏིང་འཛིན་དག་པའོ།། རྟོགས་པའི་བལྟ་བ་འདི་ལྟ་སྟེ།། ལྷ་དང་རྣལ་འབྱོར་དག་པ་གཉིས།། རྗེ་དང་འབངས་ཀྱི་ཚུལ་དུ་བལྟ།། སྤང་བའི་རིམ་པ་འདི་ལྟ་སྟེ།། ཤ་དང་ཉ་དང་སྒོག་པ་དང་།། དེ་བཞིན་ཆང་ལ
195b4 སོགས་པ་སྤངས།། ཏིང་ངེ་འཛིན་ལ་ཞེན་པའོ།། ཐེག་པ་ཀྲི་ཡ་དེ་བཞིན་ནོ།། དེ་ནས་ཡང་ཞུ་བ་འདི་སྐད་ཞུས་སོ།། ཀྱེ་ཀྱེ་བཅོམ་ལྡན་ཁྲོ་བདག་སྐུ།། ཀྲི་ཡའི་ཐེག་པ་དེ་ལྟར་ན།། ཨུ་པའི་ཐེག་པ་གསུང་དུ
195b5 གསོལ།། ཞེས་ཞུས་སོ།། ཡང་བཀའ་སྩལ་པ། ཨེ་མ་གསང་བདག་ངེས་པར་ཟུང་།། ཨུ་པ་ཡ་ནི་འདི་ལྟ་སྟེ།། ལྟ་བ་ཡོ་གར་བལྟ་བ་ལ།། སྤྱོད་པ་ཀྲི་ཡར་སྤྱོད་པའོ།། དེ་ཕྱིར་གཉིས་ཀའི་རྒྱུད་ཅེས་གྲགས།། དེ་ནས་ཡང
195b6 ཞུས་སོ།། ཀྱེ་ཀྱེ་བཅོམ་ལྡན་ཡེ་ཤེས་སྐུ།། ཨུ་པའི་གྲུབ་མཐའ་དེ་ལྟར་ན།། ཡོ་གའི་ཐེག་པ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་ཧོ་གསང་བའི་བདག་པོ་ཉོན།། ཡོ་གའི་གྲུབ་མཐའ་འདི
iiif viewer powered by OpenSeadragon
