| e-texts navigator |
| Wylie |
195a1 སྐྱེ།། དེ་ནི་ཏིང་འཛིན་ཉམས་ལེན་ཏེ།། ས་གཉིས་དག་ལ་སྐྱེ་བར་འགྱུར། ནང་གི་དྲོད་ནི་དྲུག་པ་ལ།། སྟོང་པ་རིག་བྱེད་དག་ཏུ་རྟོགས།། གཉིས་ཀའི་དྲོད་ནི་འདི་ལྟ་སྟེ།། བདུན་པ་དག་ལ་སྐྱེ་བར
195a2 འགྱུར།། བརྒྱད་པ་བཟོད་པ་ཐོབ་པ་སྟེ།། དགུ་པ་རྩེ་མོ་མཐར་ཕྱིན་ནོ།། བཅུ་པ་འཇིག་རྟེན་ཆོས་ཀྱི་མཆོག། དེ་བཞིན་ས་བཅུ་ཐོབ་པར་འདོད།། དེ་ནི་བྱང་སེམས་ཐེག་པ་སྟེ།། སྟོང་པ་ཚིག་མེད་ཡི་གེ་མེད།། ཅང་མེད
195a3 སྟོང་པར་འདོད་པའོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐེག་པའི་བདག། མཚན་ཉིད་ཐེག་པ་དེ་ལྟར་ན།། རྡོ་རྗེ་ཐེག་པ་གསུང་དུ་གསོལ།། ཞེས་ཞུས་སོ།། ཡང
195a4 བཀའ་སྩལ་པ། ཨ་ཧོ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། རྡོ་རྗེའི་ཐེག་པ་རྣམ་པ་གཉིས།། ཕྱི་བ་ཐུབ་པའི་རྒྱུད་དང་ནི།། ནང་པ་ཐབས་ཀྱི་རྒྱུད་དུ་གསུངས།། དེ་ནས་ཡང་གསང་བའི
195a5 བདག་པོས་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་སྤྲུལ་པའི་སྐུ།། ཕྱི་བ་རྒྱུད་ཀྱི་ཐེག་པ་གཉིས།། འཁོར་ལ་མདོར་བསྡུས་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ།། ཀྱེ་ཧོ་གསང
195a6 བའི་བདག་པོ་ཉོན།། ཕྱི་པའི་རྒྱུད་ལ་རྣམ་གསུམ་སྟེ།། ཀྲི་ཡ་ཡོ་ག་ཨུ་པ་གསུམ།། བཤད་ལུགས་བསམ་གྱིས་མི་ཁྱབ་བོ།། ཡང་ཞུས་པ། ཀྱེ་ཀྱེ་བཅོམ་ལྡན་གསང་སྔགས་བདག། ཀྲི་ཡའི་ཐེག་པ་གསུང་དུ
iiif viewer powered by OpenSeadragon
