| e-texts navigator |
| Wylie |
194b1 ཀུན།། མཐུན་པར་སྣང་ལ་དོན་བྱེད་ནུས།། བརྟགས་ན་ངོ་བོ་ཉིད་ཀྱི་དབེན།། དོན་ནི་མེད་པ་ལྟར་སྣང་ངོ་།། དེ་ནི་ལོག་པའི་ཀུན་རྫོབ་བོ།། ཡང་དག་ཀུན་རྫོབ་འདི་ལྟ་སྟེ།། དགེ་བ་བཅུ་ཡི་ལས་རྣམས་དང་།། དཀར
194b2 པོར་འགྱུར་བའི་བསམ་པ་དང་།། མོས་པའི་བསམ་པ་ཅི་སྙེད་པ།། ཡང་དག་ཀུན་རྫོབ་ཆེན་པོར་འདོད།། སྦྱིན་པ་ལ་སོགས་ཚུལ་ཁྲིམས་དང་།། དེ་བཞིན་ཏིང་འཛིན་ལ་སོགས་རྣམས།། ཡང་དག་ཀུན་རྫོབ་ཆེན
194b3 པོའོ།། དོན་དམ་ལ་ཡང་རྣམ་པ་གཉིས།། མཚན་མ་ཚིག་གི་དོན་དམ་དང་།། ཡང་དག་སེམས་ཀྱི་དོན་དམ་མོ།། མཚན་མ་ཚིག་གི་དོན་དམ་ནི།། ཐམས་ཅད་སུན་འབྱིན་རྩོད་པའོ།། དེ་ཡང་ཚད་མའི་རིག་པ
194b4 ཡིས།། གང་དེ་ཉིད་ལ་དེ་ལྟར་སྣང་།། ཚིག་གི་སྟོང་པ་ཆེན་པོ་ལས།། དོན་དམ་སྟོང་ཉིད་མ་རྟོགས་པའོ།། མཚན་མ་ཚིག་གི་དོན་དམ་མོ།། ཡང་དག་སེམས་ཀྱི་དོན་དམ་ནི།། སྟོང་པ་ཅང་མེད་བསྒོམ་པར
194b5 འདོད།། དཔེར་ན་ནམ་མཁའ་སྟོང་པ་བཞིན།། སྟོང་པའི་དོན་ཉིད་དེ་ལྟར་རོ།། སྟོང་ཉིད་བྱང་ཆད་མུ་མེད་དོ།། ཞེས་ནི་སྤྱོད་ཅིང་ཆགས་པའོ།། ལམ་ནི་འདི་ལྟར་འདོད་པའོ།། ས་ལ་སྦྱང་བར་འདོད་པ་སྟེ།། དེ་ཡང
194b6 དྲོད་བསྐྱེད་བཟོད་པ་དང་།། རྩེ་མོ་འཇིག་རྟེན་ཆོས་མཆོག་གོ། དྲོད་ལ་རྣམ་པ་གསུམ་གྱིས་བསྟན།། ཕྱི་དང་ནང་དང་གཉིས་ཀའོ།། ཕྱི་ཡི་དྲོད་སྐྱེས་འདི་ལྟ་སྟེ།། གཉིས་པ་དྲི་མ་མེད་པ་ལ།། དངོས་པོ་སྣང་བ་སྟོང་པར
iiif viewer powered by OpenSeadragon
